Her ke şono Tirkîya de krîzê ekonomî hîna zaf kûr beno û tesîrê xo heme esnafan ser de keno. Sektorê zîretî de apeyşîyayîşê ekonomî xeylê zêde xo dayo teber û rotoxê leyekan rojanê xiraban cuyenî. Verê cû Taşkopruya Edene ser de 17 esnafê leyekan estbîy, nika 6 esnafî mendî.
Babete ser o esnafan ra Ahmet Ayverdî û Erol Ulaşî qisey kerdî û qiseykerdişê xo de bale antî krîzê ekonomî ser.
Ayverdîyî destpêkê qiseykerdişê xo de wina va: “Rotiş û herînayîş se ra 80 kêmî bîyo. Sey verê cû kesêk leyekan nêherîneno û nêroneno. Wexto ke rotiş nêbeno ma zirar kenî û ma nêeşkenî leyekan biherînî. Ma kewtê bin deynan. Ma rewşa xirabe ra eciz bîyî û karêk ma yê sewbîna zî çin o. Tay mendo ke dikananê ma rê îcra bêro. Rewşe tesîrê xo her hetanê cuye ser de kena. Kesê ke no semed ra fek yewbînan ra daxî veradayî, estî.”
Heqê awe daxî nêvejîyeno
Ulaşo ke tena 6 aşmî eşka bixebitîyo, wina va: “Krîzê ekonomî bes nêkerd, nika zî rayîro ke leyekî tede ronaye yî trafîk rê ame padayîş. Hetê ekonomî de xeylê sebebê xirabîyê rawşa ma esta. Ma rojê xirabinan ra vîyarenî. Ma mecbur ê ke leyekan awe bidî. La leyekê ke ma roşenî, qîmê heqê awa ma daxî nêkenî. Ganî rewşa ekonomî bêro başkerdiş û polîtîkayê neweyî bêrî plankerdiş.”
DÎHABER/EDENE