Platormî damûstayinê nişteyî da û vist vîrî ke bi sebebê aşma Nîsan ra na kişt, pêdiyayinê Îmrali biriyayê, 602 kesan weşîya xo kerdo vinî û bi seyan kes bi dirbetinî. Herzewbîn xeylê kes zî tepişiyayê.
Çareser bikerê
Platformî hayr ant muhîmiya haştî ser û wina-ina va: Haştiyê tewr xirab, lejê tewr rindî ra rindo. Çiyê rind û muhîm ardinê haştî yo. Çiyê winayin zî, bi muzakereyan, hewadayinê tecrîdê verra Ocalan’î û bi serbest viradayinê birêz Ocalan’î mumkun o.
Platformî serva-qandê çareserîna meseleya Kurd û meseleyanê bînan, meclîsa Tirkiye îşaret kerd û wina vat: Hewce yo heme partiyê ke mecîsî de wayirê komî yê, sernî de meseleya Kurd, çarekerdinê pêrokîn meseleyan de demokrasî esas bigîrê. Şaranê Tirkiye wezîfeyê xeripinayin nê, wezîfeyê ronayin dayo meclîs. Qebûl nêbeno, meclîs meseleyanê şarî taloq bikero.
Ocalan temînatê Komarê Demokratîk o
Platformî serva-seweta çarekerdinê meseleya Kurd, muhîmiyê rolê Rayverê Şarê Kurd Abdullah Ocalan’î ard ziwan û wina vat: Birêz Ocalan hem hetê fikrî û hem zî hetê pratikî, temînatê ronayinê Komarê Demokratîk o. Cok ra serbestiya ey zaf zaf muhîm a. 17 serriyo birêz Ocalan’î serva-semedê ke Tirkiye bikero demokratîk, Girawê Îmrali, açarnayo zey ‘ofîsê aştî’.
Platformî muhîmiya serbestiya Ocalan’î wina ard ziwan: Bi rayverîna platformê ma, 10 mîlyon kesî, serva-qabê serbestî-azadiya birêz Ocalan’î îmze day. Nayî ra, ma veng danê heme quwetanê demokrasî û aştî. Înan ra wazenême îradeyê 10 mîlyon kesan esas bigîrê. Hetê-leyê haştî û çareserîn de ca bigîrê. Bêrê ma dorme-çormeyê ronayinê Tirkiye ya Demokratîk de bêrê pêhet.
ANF/STENBOL