AŞTÎ EHMED / ROJNEWS / SILÊMANÎ
Rojnamegerê Başûrê Kurdistanî vera tecrîdo giran ke Rayberê Şarê Kurdî Abdullah Ocalanî ser o yeno domnayene de reaksîyon nîşan dayî û rojnamegeran dîyar kerd ke bi giranbîyayîşê tecrîdî kaos zî zêde beno û ganî tecrîd bêro wedarnayene.
Rojnameger Aram Şêx Ezîzî va ‘heta nika seba pêvînayîşan bi seyan muracatî ameyî kerdene’ û wina domna: “Dewleta tirkî qet destûr nêdana ke Ocalanî reyde pêvînayîşî bêrî viraştene. Her ke tecrîd giran beno, Tirkîya de kaos zî zêde beno. Eke seba çareserîye Ocalanî reyde pêvînayîşî bêrî kerdene, o wext problemî çareser benî. Ganî fikirê Ocalanî yê çareserîye baş bêrî zanayene û goreyê ci hereket bikerî.”
Rojnameger Aso Şiwanîyî zî wina va: “Dewleta tirkî eşkena perspektîfanê çareserîye yê Ocalanî ra feyde bivînî. Tirkîya de seba qedîyayîşê şerî, ganî problemî bêrî çareser kerdene. Fikrê Ocalanî zaf muhîm î. Çar parçeyê Kurdistanî de zî problemê kurdî estî. Ganî seba çareserîye fikrê Ocalanî ra feyde bivînî. Heta ke Ocalan azade nêbo, huzir nîno Tirkîya.”