Warzaya Rayverê Şarê Kurd Abdullah Ocalanî, Dîlek Ocalan bi munasebeta 4'ê Nîsane Roja Rojbîyayîşa Ocalan behsê zîyareta xo ya Îmrali kerd. Ocalan ard ziwan ke, mordem şaş maneno ke, odeyekê wina werdî de û şertanê hendayî giran de senî êşkeno hendayî biafirno û moral bido.
Parlamentera HDP yê Riha Dîlek Ocalan ke behsa pêdîyayîşa xo ya bi xalê xo Ocalan’î kerd, vist vîrî ke, wexto ke ma bi çimanê embaz, wa û malbatî weynenê weşîya xalê xo Ocalan’î, ma vînenê ke hona domanî ya xo ra cayeke muhîm dano têkilîyê xo yê bi cinîyan ra. Meseleyê cinîyan ê Rojhetalê Mîyanên, kesayetê cinîyê ke çormeyê ci de yê de cipersyayîş keno.
Şertanê giran nêşkîya fikranê eyî hesîr bigîrê
Dîlek Ocalan behsê pêdîyayîşa xo ya bi Ocalan’î zî kerd û wina va: “Mi ey nêdîyabi. Mi ey vatişanê embazê ci ra, malbat, kitab û vîdeoyan ra silasnabi. Mi va qey kes nêşeno xo biresno ey. La wexto ke mi Girava Îmrali de ey dî, mi dî ke keseko zaf mutevazî yo. Wexto ke destê mi tepişt, quwet ame mi. Ma ser têkoşîna cinîyan de qisey kerd. Mordem şaş mameno ke, şertanê hendayî giran de senî êşkeno hendayî biafirno û moral bido. La mi dî kê nê şertanê giran tesîrêko nêrind ser fikr û afirnayîşanê ey de nêkerdo. Nêşkîya fikranê eyî hesîr bigîrê.”
Hêhiqûqîyeke gird a
Dîlek Ocalan hayr ant xoverdayîş û têkoşînê cinîyanê kurd ser û aşkere kerd ke cinî heskerdoxê azadîyê. Ocalan ard ziwan ke cinî seba weşîkerdişî mecbûrê ke rayanê xoverdayîşî biafirnê.
Parlamentera HDP yê Riha Dîlek Ocalan tecrîdo girankerdî yê ser Ocalanî rê nêrazîbîyayîş damûsna û va, ‘Tecrîdkerdişê kesêko seba meseleya Rojhelatê Mîyanîn û meseleya kurd muhîm o, nêheqî û bêhiqûqîyeke gird a.
RIHA