Werdê heremî yê Dersim Şirê Qude, firaqa textîn ya ke serrekê zerreyê zibilê heywanan de yena verdayiş mîyan de yeno pewtiş. Şirê Qude ke werdê zimistanî yo seserre ra jêde yo ke dewanê Dersim de yeno pewtiş. Şirê Qude zerreyê firaqa ke cirê vanê ‘qidik’ de yeno pewtiş û bi dew yeno kutiş.
Firaqa textîn qidik gewreyîya dara gozêr ra virazîyena. Dima ra na dar kenê mîyanê zibilê heywanan û serrekê yena nimiten. Goreyê dewijan wexto ke qidik mîyanê zibilê heywanan de serrekê manena, bi serran teba nêbeno ci. Dima ra mîyanê zibilî ra vejenê, orteyê ci birenê û şiklê firaqî danê ci.
Terîfê pewtisê Şirê Qude
Cinîya bi nameyê Hatîce Şahîn ke destê ci de qidika 14 serrane esta û
dewa Meytanî de werdê Şire Qude virazena, terîfê pewtisê Şirê Qude dana: “Sifte mîr yeno elawitene, dima ra erzîyeno firinî. Pey coy ma sîrî erzenê mîyanê doyî û nîya pewjenî. Pewjîyayisê werdî ra dima ma kenî mîyanê qidikî û bi asinî kuwenê. Pey coy ma doyî rijnenî ser werdî û heta nerm bibo pelexnenê. Tewr peynî de zî ma rûno sûrkerda rijnenî werdî ser û wenê.
DERSIM