Dengbêja cinîye Gazîne û Endama Meclîsê Daîmî Kongreya Komelê Demokratîke (KCD) Dîlek Adsane çend rojî wefat kerdbî. Heyetê Weşanî yê Kovara Jineolojîyî îzehetêko nuştekî da û her di cinîyî vîr ardî.
Heyetî îzehetê xo de vato ‘ma embaz û nuştoxa xo Gazîne û Endama Meclîsê Daîmî ya KCDyî, hemraya xo Dîleke oxir kerd’ û wina domnayo: “Gazîne roportajê xo yê peyêne de ma rê lornaybî. Aye vatbî ‘lornayîşê ma yê rindî estî û ma xo vîra kenî’. Şima do hertim vîr û rîpelanê ma de bibî. Ma dejê şima ver xo erzenî bextê îlaheyan û Şahmaranî.”
Heyetî dewamê îzehetê xo de wina vato: “Ma zanî ke rinde ma vînî nêbenî û sey Şahmaranan bi hezaran serran cuyenî. Şîyayîşê şima tena çîyêko fîzîkî yo; vengê şima, têkoşînê şima û estena şima hertim mîyanê ma de yo. Wa îlaheyî hemrayê şima bî. Ma keye û hemrayanê şima rê serweşî, bawerîya şima ra sebir wazenî. Bi heskerdiş û minnetî reyde…”
Hûmara 10. ya kovara Jineolojîyî de dengbêje Gazîne reyde roportajêk amebî viraştene û roportaj de dengbêje Gazîne lornayîşêko winasî kerdbî: “Ella ella ella ke / Gazî şex û mela ke / Bila ronî xewna ke / Lorî lorî lorî…”
JINNEWS / MA