Rojnameyê Cumhurîyetî ra goreyê xebera Alîcan Uludagî, M.Y yo ke giredayê Serekîya Herêma Enqera ya MÎTî de xebetîyayêne, vano ‘mîyanê 2 serranê peyênan de mîyanê teşkîlatê MÎTî de xeylê îstîfayî bîyê’ û qiseykerdişê xo wina domneno: “Teşkîlat mîyan de goşdarîkerdişê ke bi ziwanê erebkîye yenî kerdiş, nê goşdarîkerdişî yenî nimitiş û nînan rê muhîmî nîno dayîş. Keso bi nameyê A.U yo ke erebkî goşdarî keno û nizdîyê îdareyê teşkîlatî yo, heme goşdarîkerdişanê erebkîye ser o ‘Erjê ci yê îstîxbarî çin o’ nuseno. Tirkîya de çeteyê DAIŞî ke Pirsûs û Enqera de hêrişê girdî kerdî, erebkî qisey kenî. Heme goşdarîkerdişê erebkîye rê vanî ‘erjê ci yê îstîxbarî çin o’ la no het de têkilîyî çarçeweya ‘ehbab-dost’î de benî. Orte de îdîayê cîdî estî. Gelo mufetîşê ke no het de cigêrayîş kenî, cîyayîya nêyî de yî an nê?”
NAVENDÊ XEBERAN