Parlamenterê HDPyî yê Antalya Kemal Bulbul derheqê problem0ê elewîyan de qisey kerd û qala vatişê Serekkomar Erdoganî ke wextê weçînayîşî de vatbi ‘ma do statu bidî cemxaneyan’ kerd. Bulbulî dîyar kerd ke Erdogan problemê elewîyan zaf sivik vîneno û tena statudayîşê cemxaneyan problemê elewîyan çareser nêkeno. Bulbulî va ‘problemê elewîyan problemanê tewr girdan ra yew yê Tirkîya yo’ û wina domna. “Awanbîyayîşê Komare ra nata bêxera dînê fermî, dînanê bînan rê heqê estene nêameyo dayene. No het de înkarêko gird esto. Komare estena elewîtîye qebul nêkena. Cok ra merdim nêşêno qala çareserîya problemî bikero. Ti manaya tena vateya elewîtîye çin a. Tena statudayîşê cemxaneyan reyde problem çareser nêbeno. No problem bi wedarnayîşê Serekîya Karê Dîyanetî çareser beno. Ganî sîstemê perwerdeyî her hetan rê sey pê nizdî bibo.” Bulbulî da zanayene ke heta ke qanûno bingeyî yê 12ê Êlule nêro bedilnayene, çareserî nêbena û wina va. “Ma problemê elewîyan tena bi dayîşê statuyî nêvînenî. Cok ra ganî çareserîya ci zî zaf hetan ra bêro kerdene. AKP seba weçînayîşî qala nê problemî keno û no sextekarî yo. Ma do heta peynî heme îmkanan bikar bîyarî û têkoşînê meşrû û demokratîke bidomnî.” MA/ANTALYA