Qezaya Bûrsa Gemlig de Komeleya Dersimijanê Gemlig derheqê Tertelê Dersim û Şehîdanê Aşma Gulane de panel viraşt û şehîdan vîrard. Panel o ke bi moderatorîya hemserokê komel Mûrat Kocamiş’î viraziya aktivîstê HDK Nûrettîn Demîr, pawitox Mehmet Gul û aktivîstê Komel Cîhan Dûrma derheqê Qirkerdena Dersim de qisey kerdî û kiştoxan rê nêrazîbiyen damusnay. Panelo ke welatijan eleqeyekê gird damusnay de herzewbîn Îbrahîm Kaypakkaya, Denîz Gezmîş’î û pêrokîn Şehîdê Aşma Gulane vîramey. Badê qiseyan serva vîrardişê şehîdan loqme amê vilakerden.
Toronto de merasîm
Sûka Kanata Toronto de zî kurdan Qirkerdişê Dersim protesto kerd û kesê ke weşîya xo kerdî vindî vîrard. Merasîmê vîrardiş komeleya kurd yê Toronto de virazîya. Bi desan Kurdistanijê ke tewrê merasîm bî kesê ke netîceyê polîtîkayanê qirkerdişî de weşîya xo kerdî vindî vîrardî. Merasîmê vîrarden de herzewbîn mesajê wayîrvejyayişê dawaya heqdar û berzkerdişê tekoşîn ame dayen. Merasîm de sînevîzyon ame damusnayen û bi goşdarîkerdişê muzîk dewam kerd.
ANF/GEMLÎK/TORONTO