Îşkence, tacîz û tehdît
Pawitoxa Komeleya Heqê Merdiman Hatîce Demîr derheqê babed de qisey kerd. Demîr vist vîrî ke, ceniyê ke yenê binçimkerdin raştê geyrayişê viran yenê, ceniyê ke ver nay vejyenê zî yenê derbkerdin û bi tecawuz tehdît benê. Hatîce Demîr da zonayene ke, jû muwekîla ay, wexto ke şî keye amê derbkerdin, parsûyê ci amey şikiten û amê binçimkerdin û niya va: “Jew polîs wextê derbkerdin de gişta xo şikineno, peycoy derheqê ceniya mexdûr de gerreyê sûc keno û vano “ez mexdûr a.”
Îşkencekerdoxî xo kerd mexdûr
Demîr va, çi heyf ke, ma demo ke, îşkencekerdoxî kewtê hurendiya mexdûran’ ra vîrenê ra. Demîr vist vîrî ke, muwekîla ay, bi behaneyê geyrayiş amê derbkerdin, tacîz bî, rîwalê îşkence bi rojan nêweşxane de mend û pey coy tepêşiya.
‘Eke şima pîyê ma Tayyîp’î biqehrînê…’
Pawitox Hatîce Demîr vist vîrî, jû ceniya bîn ke raştê îşkenceyê zayendî amê zî Bismîl de amê binçimkerdin. Demîr da zonayene ke, na muwekîla ay zî çehar rojî raştê îşkenceya zayendî yê jew polîsî ameya û wina va: “Muwekîla mi polîsî rê vato ‘ez do to gerre bikera’. Ser nay, polîsî ay bi tecawuz tehdît kerd û vato; ‘Eke şima pîyê ma Tayyîp’î biqehrînê, nê çî yenê serê şima. Ma tîmê Eseddûllah’î yê. Demîr aşkere kerd ke înan derheqê derbkerdiş û îşkenceyê zayendî yê vera tepişteyan dozgerîn de serpirodayişê gerreyê sûc kerd.
Kamî kamî rê gerre bikerime
Hatîce Demîr aşkere kerd ke, înan xeylê ceniyê ke raştê îşkenceyê zayendî ameyê ra waşto ke, gerreyê sûc bikerê. La cewabê; ‘ma kamî gerreyê kamî bikerê, dewlet ma rê nê çiyan kena’ giroto. Demîr vist vîrî ke îşkenceyê zayendî lejî ra ciya niyo. Şexs dê ceniyan de, êrişê erjeyayenanê civakî kenê û aşkere kerd ke, ebi na kerden wazenê ceniyan bierzê teberê civakî û îradeyê ci yê tekoşîn bişikînê. Demîr peynî de pêrokîn welatijê ke raştê îşkence ameyê ra waşt ke rapor bigîrê û serpirodayiş bikerê.
DÎHA/AMED