Nuştoxê rojnameyê Independentî Rober Fîskî qirkerdişê Reîna ra dima derheqê hêrişî de qisey kerd û vînayîşê xo ard ziwan.
Fîskî dîyar kerd ke Tirkîya ‘tena’ ya û wina domna: “Sebebê leşkerî yê tenayîya Tirkîya estî. Çimkî Tirkîya şerê Sûrîye de bi hawayo leze kay kerdbî û vînî kerdbî. Sînoranê xo ra endam û pereyê DAIŞ, El Nusra û sewbîna çeteyan vîyarnaybî. Reyna Tirkîya vera kurdê welatê xo û yê ke welatê Sûrîye mîyan de yî de şer kerdbî. Eke yew dîktatoro ke şero mîyanên yê welatê cîranan de rolê ci esto, o wext welatê ci de zî qirkerdişî ra zêde sewbîna çîyêk nêbeno. Wexto ke dest dîya Afganistan ro, Pakîstanijî dîyî ke talîban ver bi Îslamabad meşîyayî. Ewro zî eke ti destê xo bidî Sûrîye, bexçeyê to yo peyêne de fîşekê hewayî teqîyênî.”
Ameyî bomberkerdiş
Fîskî qiseykerdişê xo de bale ant ser bi hawayo rewe bedilîyayîşê têkilîyê Tirkîya û wina qedêna: “Anqara teberê ereban de xeylê welatan reyde têkilîyê xo raşt kerdo. Serekkomar Erdogan ‘wisarê ereban’ ra dima êdî nêwazeno welatanê ereban bivîno. Nê demê peyênan de vistişê teyaraya Rûsya, nizdîbîyayîşê Serekê dewleta Rûsya reyde, heskerdişê Esadî û dima ra ti ra nefretkerdiş, dîyalogê Ewropa û dima ra şermizarkerdişê Ewropa yê Erdoganî... Yê ke aqilê ci bibo, xo zêde nizdîyê Xelîfe yanî Erdoganî nêkeno.”
MERKEZÊ XEBERAN