Hîşyar Ozsoy aşkera kerd ke seba ke pêameyîşê Tirkîya bextwaştoxan ser kerd, Yewîya Awrûpa demêko derg verba qewimyayîşê Kurdistanî de bêveng mend û wina vat: “Rewşa estî de ma nêzdîbîyayîşê Awrûpa de bedilnayîşêk vînenî. Serî de bi rayedarê Yewîya Awrûpa ma demo peynî de zaf pêvînayîşan kerdî. Yewîya Awrûpa hetanî no demo peynî, problemê bextwaştoxan ê Tirkîya reyde û şero ke Kurdistan de qewimyeno pîya nirxnaynî. Seba ke problemê bextwaştoxî înan ra giran ameynî şerê Kurdistanî nêdîynî. Welatî ke menfaetê înan krîzê bextwaştoxî de estbî, tevî ke raştîya şero ke Kurdistan de qewimyeno weş vînaynî zî, waştî bêveng bimanî.”
Şaşîyê gird
Ozsoy ciresna ke rewşa estî de Yewîya Awrûpa nêzdîbîyayîşê xo yê na babete de bedilnaya û ard ziwan ke pêvînayîşê demê peynî de înan ra ameyo ciresnayîş ke ê nêeşkenî no nêzdîbîyayîşê Tirkîya qebul bikerî. Ozsoy destnîşan kerd ke sîyaseto ke Tirkîya aver beno dûrî pîvanê Yewîya Awrûpa yo û da zanayîş ke tevî ke Yewîya Awrûpa zanaynî bêvengîya verba şero ke Kurdistan de cuyeno de hem hetê exlaqî hem zî hetê sîyasî şaşîyê gird o û demo ke bêveng mendî.
Ozsoy wina vat: “Na aşmêka Yewîya Awrûpa krîzê bextwaştoxan ê Tirkîya reyde û şero ke Kurdistan de cuyeno problemê kurdî ra rî dano, no ser êdî cîya nênirxnenî. Demo ke seba menfaetê xo her di babet pîya nirxnaynî, şero ke Kurdistan cuyeno nêdîynî. Na yew bî semedo ke Yewîya Awrûpa bi xo pîvanê xo dûr bikewa. Seba ke na yew vînenî, êdî her di nê babetan cîya nênirxnenî.”
Semedê serokîya yew şexsî
Ozsoy wina dewam kerd: “Hem Meclîsê Awrûpa hem Meclîsê Wekîlan ê Awrûpa hem zî wekîlê neteweyî yê Awrûpa de haya înan esta ke Erdogan seba zexmkerdişê serekîya yew şexsî, şer Tirkîya de xorîn kerdo û na rewşe zî nêzdî ra şopnenî. Weş yeno zanayîş ke taybetî şer cografyaya kurdan yeno xorînkerdiş û no bandorî Yewîya Awrûpa bikero. Hawanayîşê destcinêdayîşê gama peynî yê furnayîşê sebrê Yewîya Awrûpa yo. Raporê Meclîsê Wekîlan ê Konseya Awrûpa ya Tirkîya sero, tevî ke tewr peynî dem ke ame nermkerdiş zî raporêko zaf tund bî. Êdî her kes qebul keno ke ti heto ke rejîmê Erdoganî bêro qebulkerdiş nîyo. Yewîya Awrûpa êdî weş zanena ke Tirkîya de rayîrê demokratîk bêrî girewtiş, Tirkîya de şîdet hîna zaf bibo. Ma bivînî ke bê no nêzdîbîyayîş demo ver de bedilna xebatêka senî ya şênber.”
Ozsoy tewr peynî aşkera kerd ke serî de Awrûpa êdî dinya sûcê şerî yê Kurdistanî de ameyî kerdiş vînenî û ê bi aşkera vanî ke Tirkîya no ray nêeşkena Cizîr de ser qirkerdişê xo yê cêrzemînan biga.
SERKAN DEMÎREL/ANF/CENEVRE