Raporo ke bi nameyê ‘Planê heremî 2014-2023, Analîz û Nirxnayîşo Pêroyî’ ameybi weşînayîş de têkîlîya bazirganî yê Tirkîya û cîrananê aye senî bedilyayo ser o yeno vindetiş û hedîseyê sey vistişê teyaraya Rûsî û sewbîna avêrşîyîşê bîn ser aborîya Tirkîyaye senî bandor keno, yeno vindetiş.
Birê qralî estî
Serekê Komeleya Karsazê Sanayîya Organîzeye ya Rihaye Hamza Tavas ke heman demî de Delegeyê Heyetê Pêroyî ya Ajansa Averşîyîşî ya Karacadagî yo, vat ke krîza aborîye ke Tirkîya nika cuyena, bingeya xo polîtîkayê ke dişmentîya kurdan ser o ameya awankerdişî ra gêna û wina vat: “Tirkîya de nika ti karê meclîsî nêmendo û ey ke xo sey ‘qral’ veyneno, heme çî goreyê ci yeno kerdiş. Vernîya ke krîza Sûrîya bivejyo seyî ra 70 bazirganî Sûrîye reyde, yê bîn zî Kurdistano Iraqî reyde ameynê kerdiş. Nika bazirganîya ke teberî reyde yeno kerdiş nêmendo. Rayna têkîlîyê ke Rûsya, Ermenîstan, Îran, Iraq û Yewnanîstanî reyde yî zî werte de yî û nika Tirkîya tena sereyê xo menda. Sebebê no zî semedo ke meclîs bêkar mendo û goreyê keso ‘qral’ yeno têgêrayîş o.”
Tavas peynîya qalîkerdişê xo de vat ke Tirkîya bi nêy polîtîkayanê xo tuwerzînî dayo lingê xo ro û lazim o Tirkîya fek nêy polîtîkayanê xo ra vera bido.