Hemserekê PYDyî Salih Muslîmî derheqê hetkarîdayîşê Amerîka yê YPGyî, hêrişê Tirkîya yê vera Rojawanî de û vindetişê hêzê koalîsyonî ser o qisey kerd.
Reyna nîşan daye
Muslîmî bale ant ser hetkarîdayîşê Amerîka yê YPGyî ser û wina dewam kerd: “Reaksîyono ke Tirkîya nîşan daye, bêmana bî. Tirkîya bi vindetişê xo yewna rey nîşan daye ke wazena DAIŞî bipawa. Her çiqas ke Tirkîya mîyanê hêzê koalîsyonî de ca gêna, reyna zî hewldayîşê Tirkîya seba pawitişê DAIŞî yo. Heme dinya zano ke Tirkîya hetê DAIŞî de ya. Reqqa qelaya peynî ya DAIŞî ya û Tirkîya nêwazena ke Reqqa DAIŞî ra bêro pakkerdiş. Cok ra her ke dormeyê DAIŞî yeno girewtiş û DAIŞ teng beno, Tirkîya zî teng beno.Eke hêrişê Tirkîya bidomyî, do hêzê koalîsyonî vera ci de reaksîyon nîşan bidî.”
Muslîmî qala şîyayîşe Erdoganî yê Amerîka zî kerd û wina va: “Amerîka û Trump derheqê YPGyî de zelal î û ganî Tirkîya na raştîye qebul bikera. Eke Erdogan waştişanê Amerîka qebul bikero, beno ke pêvînayîşî ra çîyêk bivejîyo. Trump do fikrê xo Erdoganî ra zî vajo. Heto bîn ra pêvînayîşê Cenevre ke do siba dest pêbikerî zî bênetîce bimanî. Çimkî Amerîka û Rûsya zî bi hawayo baş zanî ke bê ma çareserî nêbena. Cok ra eke Tirkîya dişmenîya vera kurdan de israr bikera, do nê hêzî ci ra çîyêk bivajî.”
SERKAN DEMÎREL / ANF / CENEW