Azaya Komeleya Huqiqzanê Azadîwaşt Oya Aydin derheqê babed de qalî kerd. Aydin vist vîrî ke, herem de îxlalkerdişê heqan merhaleyê berz de yenê cuwyayîş û zaf hûmarî de kesî nêşkeno lazimîyê xo peyda bikero.
Didi serpirodayişê înan red bî
Oya Aydin da zonayene ke, didi serpirodayişê înan ê semedê kesê nêweş, bi astengdar, hetê Mahkeme Makeqanûnî amey red kerdiş, ser nay înan zî serpirodayişê Mahkemeya Heqê Merdiman ê Awrûpa kerd û wina va: “Ger ke MHMA serpirodayişê ma cidî nêvîna, eynî roje de red kerd. Vernîgirewtiş raybazêkî hetê MHMA ra zaf nîno xebetnayîş, la ma reyna zî waşt no heqê xo ca biyarê. Aydin da zonayene ke, “Tirkîye pawitişê xo de raştişan şaş damûsnayo.
Dosya reyna yena rojdem
Aydin ard ziwan ke, „Tirkîye qetlîamê Pirsûs û Enqera ra heta na roj, heme qetlîamê ke hetê DAIŞ ra ameyî kerdiş, zey netîceyê herbê heremî bibo damûsna û wina va: „No semedî ra wextanê ameyin de, na dosya beno ke reyna-fina bîro rojdemî. Oya Aydin ard ziwan ke, Kurdistan de sucê herbî ra pîlêr yenî kerdiş û wina qisey kerd: “Yew dewlet, e ke dustê şarê xo tifing xebetna o wext Jûbiyena Awrûpa (YE) şena mudaxaleyê a dewlet bikero. Ma wazenê ke mesele bi raybazê tifingî nê, hetê heqê merdiman ra bêro çarekerdiş.”
OYKU DÎLARA KESKÎN / JINHA