Tirkmenî xo erzenî bextê kurdan

Serekomarê tirk Erdogan planê xo yê Sûrîye û Îraqî de tikmenan keno mehne û tirkmenan sey sebeb nawneno. Erdoganî tirkmenê ke nizdîyê xo kerd çete û sey ajanê MÎTî da xebitnayîş. Tikmenê Îraqî seba ke baş zanê ke derdê Erdoganî tikmenî nîyî, operasyonê Musilî ra dima yew bi yewe xo erzenî bextê kurdanê Rojawanî. 

Babete ser o dayîka tikmene ya bi nameyê Tel Afera 80 serreyî, Nasir, û hemwelatîyo kerkûkij yê 47 serreyî qisey kerdî. Dayîka Afere destpêkê qiseykerdişê xo de wina va: “Ez bi 2 torinanê xo ameya tîya. 2 serrî ra zêde ma bin zilmê çeteyan de cuyayî û şewêk saet 03.00 de ma destê înan ra remayî. Wexto ke ma remayî, ma xo eşt bextê kurdan. Ferqê kurd û tirkmenan yewbînan ra çin o.”

Nane û awa xo pare kerdî 

Tirkmeno bi nameyê Nasirî zî wina va: “Ma firsendê remayîşî dî û ma bi keyeyanê xo remayî Rojawanê Hesekê. Tel Afer de hem şer hem zî zilm estbî. Çeteyanê DAIŞî kesê ke waştênê biremî, înan ra 300 dolar girewtênê. Ma verê cû nameyê HSD û YPGyî eşnawitbî û derheqê înan de xeylê çîyê weşî ameyêne vatiş. Ma zî remayî û ameyî tîya. Ma bi hawayo baş ameyî pêşwazîkerdiş. Her çiqas ke şerwanî şer de bî, reyna zî nane û awa xo ma reyde pare kerdî. DAIŞî cuye ma rê kerd heram. Ez ameyoxa domananê xo fikirîyena. Cok ra heta ke erdê ma nêrî rizgarkerdiş ez do tîya ra nêşêra.”

Kurdî zaf baş î 

Tikmenê kerkukij zî va ‘ewja de zilmêko zêde est bî’ wina dewam kerd: “Ma nêeşkayên ke hilm daxî bigîrî. Îşkence bi ma ameyêne kerdiş. Ma destê înan ra remayî û ameyî Kurdistan. Ma tîya de baş î. Embaz û dormeyê ma, ma ra vatbî ‘kurdî baş î, merhemetin î û merdiman ra hes kenî.’ Operasyonê Musilî ra dima her ca bî sey taxanê şerî.”