Rijnayîşê taxanê Alîpaşa û Lalebey yê qezaya Sûr ke bin nameyê vurîyayîşê şaristankî de destpa kerd, rameno. Vera rijnayîşî nêrazîbîyayîşî ramenê. 6 taxanê Sûr de ke bi tanq û kepçeyan amey welişnayîş de nika hurendîya înan de bi mîmarîya vera reng û rîyê Sûrî, keyeyê TOKî yenê viraştiş.
Plansazê Sûke Akin Atauz, rijnayîşê Sûrî rê nêrazîbîyayîş damûsna û waşt Sûr zey Toledo nê, zey Sûre bimano.
Atauzî vist vîrî ke Sûr de tenya mîmarî nê,tor, rî, kultur û weşîya civakî zî yeno xirabkerdiş û aşkere kerd ke bi rijnayîşê Sûrî civak û kulturê ci yeno parçekerdiş.
Nimûneyê dinya vinî beno
Akin Atauzî da zanayîş ke dinya de Sûr nimûne yo û wina va: “Sûr dinya de hetê tora kulturî, civakî û bawerîyan de xeylê muhîm o. Bi no xirabkerdişî no nimûneyê dinya vinî beno, çinî beno. Cayo ke Sûrî bipawê û aver berê, bi bi tanq û topan hêriş kerdî. Waştî çinî bikerê. Zerarekê gird day Sûrî. Zey ke şarê Sûrî dişmenê înan ê tewr girdêr ê nezdî benê. Xirab kenê, talan kenê.
Vengê xo berz bikerê
Atauzî bêvengîya vera Sûrî bi nê vatenan rexne kerd: “Hemî kesê ke vera na talankerdiş û wêrankerdişî de bêveng manenê bi qasê pê sûcdar û verpersîyar ê. Ganî herkes vera rijnayîşê vengê xo berz bikero. Serokwezirê Tirkîya verê nika va, ‘Ma dhe tîyayî bikerê Toledo.’ Ma zî vanê tîya Sûr o. Ganî zey Sûrî bimano. Na plan zey tîpa plana Haussmann a. La plana Haussmann goreyî plana Sûrî çîyêk nîya. Ganî herkes paştîdayîşî bido şarê Sûrî û ganî Sûr tenya nîro ternayen.
DÎHABER/AMED