Rojnameya Radîkalî ra Îsmaîl Saymaz roja verên ra nika Kirşehîr de faîlîyetê çete û faşîstan şopneno û çarçiweya xeberê Saymazî yeno vatiş ke CHP hêrişê faşîstê tirk ê Pirtûkxaneya Gulî, banê HDPe û cayê karî yê bînî ser rapor hadre kerda û rapor de yeno vatiş ke şaredarî ra girêda wesayîtan bi anonsan şarî dawetê hêrişê kerdî û taybetê polîsê AKPe verê banê HDPe hêrişê çetayan rê vila veradayî û çi heyf ke demo hêrişî zî TOMA zî honikkerdişî rê ser faşîstan awe veradaya.
Vergirewtişan nêgirewtî
Raporê CHPe de qewimyayişan ser wina yeno vatiş: “Walîtîya Kirşehîrî ra agahî şîyo ke Ocaxê Ulku û Osmanijî verê banê HDPe de aşkeraye bidî labelê qet verê banê HDPe hetê polîsan vergirewtişî nêameyê girewtiş. Peynî demo aşkeraye de zî faşîstan dest pê dirûşmê ‘Şehîd nêmirenî û welat zî lete nêbeno’ qîrayî û peynî zî hûmarê faşîstan her ke şîyo zaf bîyo. Ser Facebookî zî mesajê provokatîf amey vilakerdiş û mesajo yewin ameyo vatiş ke ‘Ez agahî girewta ke HDPijî hêrişê ma bikerî û no ser zî haydî tirkê Kirşehîrî bivejê meydanan.’ Hewna mesajo diyin de ameyo vatiş ke ‘Embazan dewa ke yena vînayiş kilavoz nêwazena, haydî ma dest pê têgêrayişî bikerî.’ Û mesajo hîrêyin de ameyo vatiş ke ‘Kesekê noca de fikrê xo vano, fikrê ci, ci ra bimano, ma do Kirşehîr de cayê karî ke PKKe ra hetkarî danî do ma nê cayê karanî biveşînî.’”
Dîmenê terteleyê Sêwazî
Raporê CHPe de bal ameyo taybetê kesekê paçê sipî ser xo kerdî antiş û rapor de hewna yeno vatiş ke taybetê şahîdan vanî ke cayê çalakîye de kesekê serê înan paçê sipî bîyê nê kesî taybetê faşîstan ra talîmat daynê û vatî ke hêrişê cayê karî yê kurd û sosyalîstan bikerî. Çi heyf ke Kirşehîr de hêrişê faşîstan vîra merdimî Qewimyayişê 6 û 7’ê Citmenge, Terteleyê Gurgum û Sêwazî aneno û hewna zey nê qewimyayişan wezîfedarê dewlete vergirewtê nêgirewtî û hetta faşîstan ra hetkarî dayî.”
NAVENDA XEBERAN