12 serra AKP, Kurdîstan û Anatolîya de hukumatî kena.Her roj, her aşm, her ser, her mewsîm û verêniyê pêro vejînayîşan de  vana, “Ez demokrasî ana.

Ez destura bingeyîn a newe virazena. Ez hina hina şoreş virazena. Bayî paketê mi bi vinerê”.
Her paket û her torê eşkera kena, ma ewnenê qet çîyek newe çîno. Pêro paketê AKP, paketê xapnayîşê.
Kom ke ehmeqo, fekê xo akeno û ewneno AKP.  Ehmeqê hina, propangadayê AKP kenî.
Qet şerm zî nîkenî.
La raştî de ma zanê ke, AKP pê paketê xapnayîş, her wext serwerîyê xo hîna qayîmtir kena.
Çiqa serwerîyê xo qayîmtir kena, zulûmê xo zî zedeyîr ravêr bena.  Bi teybet, zulûmê xo ser Kirdan ramnena.
2006 de Qanûnê Ceza yê Tirk de xususî seba Kirdan bedilnayîşek  kerd. No bedilnayîş dima ra, tutê Kirdan ra bigerê bawê Kirdan, kênayê Kirdan ra bigerê dayîyê Kirdan bi des hezaran Kird eştî zîndan.
Qunûnê polîs de bedilnayîşek viraşt, pê vetişê no qanûnê polîsê Tirk nika eşkerê Kirdan qetîl kenî.
Heta nika, yew polîs zî  seba kiştişê Kirdan nîameyo cezakerdiş.
AKP, çiqas qalê paketan kena, çiqas paketê qanunê newe virazênû, ewqas zî ser Kirdan zulum zêde beno.
Wexto ke, Rêbere Şarê Kurd Abdullah Ocalan û KCK,  “Gama Rizgariya Demokratîk” da destpêkerdiş, gera AKP zî gamê bieştenê. La AKP, yew gam nîeşt. Wexto ke, KCK, tepêşiyaşê gerîla da vinderdiş, adir kewt bine AKP. AKP destpêkerd va, mi yew paketa demokratîk amedê kerda ez eşkera bikerî. Her roj propagadan  kerd va, “Paketa ke, ez eşkera bikerî ê herkes hîr bimano.Fekê herkes akerdi bimano.  Çîyo ke yew  xeyal nîkeno, paketêk hinawa”.
 Teyyîb Erdogan hê paket eşkere nîkerdibi,  Hemserokê Konseya Rêveber A KCK Cemîl Bayik vatibi, “Paketa AKP paketa demokrasî nîya,  paketa xapnayîşa”. Hemseroka BDP Gulten Kişanak zî va, “Paketa  AKP de bivejîyo bivejîyo ê kuyê(kundir) bivejîyo”.
Vejîya werti ke, Rêberê Kurdan û Şarê Kurd, AKP weş şinasnenê.
Paketa ke Erdogan eşkera kerd, na paketê de  seba Kurdan yew çîyek çîno.
Qisekerdişê Erdogan de, ser Kirdan yew qise çînibi.  Erdogan name Kurdan nîgirewt fekê xo. Reyna înkarkerdişê Kirdan dewam kerd.
Paket de biyayîşa Kurdan yeno qebûl kerdiş?
Nê.
Nasname Kurdan yeno şinasnayîş?
Nê.
Perwerdeyê ziwanê dayî  yeno qebulkerdiş?
Nê.
Siyasetmedarê Kird yê ke eştî zîndan, zerrê înan de  yew yeno veredayîş?
Nê.
Korucî  yenî wederatiş?
Nê.
Serokê Şarê Kurd azad beno?
Nê.
Kurdistan de statû yanî serweriyê Kurdan yeno şinasnayîş?
Nê.
Bendê vejînayîş yeno vistis?
Nê.
Desturê bingeyîn ya newe de heme heqê Kurdan ca genî?
Nê.
Paketa  newe de seba serweriyê AKP bîyero xurtkerdiş, teberê nayê çîyêk muhîm esto?
Nê.
Ucax seba nayê paket yew eşkeno eşkera vajo ke,torê zûran ê verên yê AKP seyîbî,  ê nika zî hinawo.
Seba nayê yew eşkeno eşkera hina vajo.
Na paketa AKP,torê zuran ê AKP wa.