Tugrul Turkeş lajê Alparslan Turkeşî yo. Verê cû MHP de bi. La weçînayişê 7ê Hezîranê ra dima bi AKPyij. AKP, Turkeş kerd wezîr. Hem zî kerd wezîre Kurdistanî. Weçînayişê 1ê Mijdarî de zî AKP ra bi wekîl. Nika zî AKP de hukmate Bînalî Yildirimî de bi hetkarê Yildirimî.
Turkeş hukmate newe de bîyo sermîyane Kurdistanî. Nayî ser yew roportaj dawo. Roportaje xo de vano, “Ez nika bîya berpirsyare Kurdîstanê. Ez ewnena Kurdîstanê. Gureyê min oyo ke ez gera kurdan rehabîlîte bikerî.”
Eşkera eşkera zî hina vano. Rehabîlîte çi mane de şuxulneno? Yane Turkeş vano, kurdê ke hembere dewleta tirk xoverdayîş kenî, tirkbîyayîş qebûlnêkenî, pêronê înan nêweşî. Gera ma înan derman bikeri. Dermane înan zî oyo ke gera bibene tirk. Tirkbîyayîş qebûl bikerenê. Vano, Ayê ke tirbîyayîş qebûl nêkerenê ma înan kişenî. Ayê ke qebûl bikerenê ma înan zî rehabîlîte kenî û kenî tirk. Kilmekî vano ke, ma kurdê serhildêr kişenî, ayê milçewtî kenî ma înan zî kenî tirk. Yane her di halî de qirkenî.
Derheqê Tugrul Turkeş de sermîyanê PKK ra Mustafa Karasu di û hîrê reyî va, “AKP, Kurdîstan teslîme Turkeş kerdo. AKP, pê Turkeş wazena kurdo di hetan ra zî qirbikero, hem pê şer bikişo, hem zî hetê kulturî de bikero tirk.” Karasu nê mane de qiseykerdibi. Qiseykerdişe Karasu pêro raşt vejîyayî. Xora Turkeş heme çi eşkera va. Ma raştîyê Turkeş û neyarî hol zanê. Babîyê Tugrul Turkeş, Alparslan Turkeş senî neyare kurdan bi. Tugrul zî hina neyare şarê kurdî yo. Kam kurd şîyo reyê xo dawo AKP, rastê rast reyê xo dawo Turkeş û MHP. Xora hetê hêş de çi ferqe AKP û MHP çino. Her di zî Tirk-Îslamîstî. Her di zî Dînê Îslamî qey şarê kurdî bikerenê tirk,sey sîlah şuxulnenî.
Dewlet Bahçelî çi qisekeno, eynî çi Erdogan û AKPyî qiseykenî. Kurdîstanê pîya şer domnenî û ramnenî. Pîya hêrîşê kurdan kenî. Hina bîyo ke îxtîyacî MHP ra nêmendo. Turkeş zî qey ayê şi kewt AKP. Nika zî, Erdoganê, Turkeş kerdo sermîyane Kurdîstanê.
Heme çi zelalo. La senî hina bi kom bi sebeb ke AKP reyna bibo hukmat û Turkeş zî bibo wezîre Kurdîstanê. Çîyo hina muhîm o. Kurdên ke vatênê AKP dîndara, ma reyê xo danî AKP, dima ra şîyî reyê xo da AKP. Kurdê hina sucdarî. Înan rey da AKP û AKP reyna kerd hukmat û kerd belê serê Kurd û Kurdîstanê. AKP, Kurdîstanê de şerê qirkerdişî domnena û ramnena. No gure zî dawo Tugrul Turkeşî. Tugrul Turkeş zî pê reyê kurdê AKPyî bîyo wezîr. Wa Tugrul Turkeş kurdê AKPyîjan ra bixêr bo.