Turnuva 2ê Teşrîna Verêne de qedîyena û peynî de xelate dîyena soprbazanê serkewteyan.
Turnuvaya Tenîs Cup ya şeşine ya ke hetê Mudirîya Şaxa Sporî ya Serekîya Dayîreyê Xizmetanê Sosyalan ra virazîyena Kortê Tenîsî yê Parka Ayşe Zarakoluye (Parkorman) de bi maçê vetişî destpa kerdiş.
Turnuva bi 4 kategorîyan virazîyena. Cinîyê pîlî, camêrdê pîlî, gedeyê lajînî û kênayînî ê ke 14 serrî ra qij ê beşdarê turnuva benê. 3yê xo lîsansin, 6ê xo dildar, pêroyî de 9 hekemî û 123 sporbazî turnuva de ca gênê. Turnuva hetanî 2ê Teşrîna Verêne dewam kena û heme musabaqayî zî Kortê Tenîsî yê Parka Ayşe Zarakoluye de benê. Her roj qasê 12 maçî yenê kaykerdiş, mucabaqayî mîyanê hewteyî saete 17.00 de dest pêkenê û heta asete 24.00 dewam kenê. Peynîya hewteyî zî mabênê saetanê 09.00-24.00 de musabaqayî benê.
Turnuva do 12 rojî biramo
Perwerdekarê Mudirîya Şaxa Sporî yê Serekîya Dayîreyê Xizmetanê Sosyalan Mizgin Karamanî turnuva ra ver yew qiseykerdiş kerd û aşkera kerdi ke, Turnuvaya Tenîs Cup ya ke hetê Şaredarîya Bajarê Gird a Amedî ra organîze bena reya şeşine destpa kerde. Karamanî wina va “Amed, Êlîh, Mêrdîn, Semsûr, Wan, Qoser, Bismil, Licê, Gêl û Hazro ra 123 sporbazî beşdarê na turnuva benê. Turnuva bi 4 kategorîyan bena û 12 roj ramena. Ma esmer bi na turnuva kenê ke parkan de sporî vila bike û însanan teşwîkê sporî bike." Karamanî da zanayîş ke mîyanê gede û cinîyanê pîlan de tayê xo estê ke, kursê tenîsî yê ke Şaredarîya Bajarê Girdî ya Amedî no hamnan bê pere daybî ra feyde vînayê yê.
AMED