Di vê hejmara taybet de mijara kovarê zimanî Kurdî ye ku yek ji kevintirîn branşên lêkolînên Kurdî ye. Dema mirov li ber zimanên din ên Rojhilata Navên bigire mirov dibîne ku Kurdî kêm cazib bûye ji bo lêkolînan. Dîsa jî hejmarek her diçe zêde dibe ya lêkolînên empîrîk û teorîk peyda dibin. Bi vî awayî jî edîtorên mêvan ên vê hejmara Kurdish Studiesê di destpêka vê hejmarê de bi awayekî bi hêsanî werin fêmkirin wan didin nasîn.

Di vê hejmara taybet de Ergin Opengin û Geoffrey Haig ên ji zanîngeha Bambergê edîtoriyê dikin. Piştî nivîsa edîtoriya giştî ya Martin van Bruinessen, nivîsa destpêkê ya edîtorên hejmara taybet heye bi ser navê Kurdish: A Critical Research Overview (Kurdî: Nêrîneke Giştî bi Awirên Rexnegir). Thoma Jugel ji zanîngeha Frankfurtê li ser dîroka zimanzanî ya Kurdî gotarek nivîsandiye (On the Linguistic History of Kurdish). Ergîn Opengin û Geoffrey Haig li ser şêweyên herêmî yên Kurmancî heye bi ser navê "Regional Variation in Kurmanji: A Preliminary Classification of Dialects" heye. Christopher Unger jî li ser Badînî û daçekên wê dê û da goterek nivîsandiye. Herçî tesîra zimanan li ser hev e, gotara Paul M. Noorlander a li ser Kurdî û Aramî de behsa vê mijarê dike.

NAVENDA NÛÇEYAN