Nika Kurdistanê Bakûr û Tirkîye de yew referandum vernîye şarê kurd û şarê bîn de yo. No referandum zaf muhîm o. Hem weçînayîşê 7 Hezîran hem zî yê 1 Mijdar 2015’îra muhîm o. Hema hema hetê muhîmîtayî de pêronê weşînayîşan ra muhîm o.
Çunke no referandum de “nê” bivejîyo netîcek cîya , “yê û ya” bivejîya netîceyêk bîn yê zaf cîya vejîyeno.
Wexto ke “ nê” bivejîyo, hetanê ke ser neyartîya kurdan ameyê têhet sey AKP, Ergenekonî, MHP, BBP, Hîzbulkontra Hudapar, Mehmete Agarcî înan heme yewbîn ra cîya benî. Yane hetê faşîst yê neyarê kurdan vila benî. Ser ra zî AKP bena parçe parçe. Şîrika ayê PDK(KDP) zî zeyîf bibo.Kurdistanê Başur de meşruyetê PDK û Barzanîyan tayî bibo. Meşruyetê AKP û Erdoganê nêmaneno. AKP û Erdoganê heta nika çi zilm, çi kiştiş, çi dizdî, çi talan kerdo yew yew ser înan hesab bêro perskerdiş. Kurdistanê de bajarê ke xirab kerdî, vîranêye ke viraştî, kiştişê ke kerdî yew yew hesabê înan mehkemeyê mîyan netewî de bêro perskerdiş. Zewbî zî do Erdogan nêşkero bivejîyo tebere Tirkîye. Şêro kam hebî welatê rojawan ca de bêro girewtiş û derheqê eyê de mehkema bêro akerdiş. Xora nika ra derheqê eyê de mehkeme ameye akerdiş. Teberê inan de Erdogan û AKP’yîyê bîn aye ke dizdî û talan kerda yewêr yewêr derheqê înan de mehkeme bêrenê akerdiş. Pêronê înan bikewrenê hepisxanan. Hina bibo ke Erdogan û hetkarê înan nêşkenê şêrene teberê Tirkîye. Qey înan yew rayîr bimano û a rayîr zî rayîrê hepisxaneyan a. Erdogan înan nê raştîyan hol zanê nika ra hetkarê xo biçek kenî, xo qey yew şer amede kenî ke hesab înan ra nêro perskerdiş.
Eger “yê û ya” bivejîyo Erdoganî û AKP heta nika se kerdo, înanî ra bimano, Ser ra zî pêronê wekîle HDP û şaredare DBP’yîye aye kerdî hepisxane do hepisxane de bimane. Sîyasetmedarê kurd ayê ke kerdî hepisxaneyan do hina bimane. Ser ra sîyasetmedar û welatperwerê kurd ayê ke teber de mendî înan zî bikero hepisxane. Sazî û dezgehe kurd aye ke dest nawo ser ayê zî destê Erdoganê de bimane. Zewbî zî do Erdogan, hem Bakûr, hem Rojawan û hem zî Başurê Kurdistanê de şerêk hîna giran hemberê şarê kurdî biramno.
Gera şarê kurd nê raştîyan bivîno û hina şêro, rayîre xo bişuxulna. Ser “nê” mohr bikero. Zilmê Erdogan û AKP ra vajo nê. Kiştiş û talankerdişê Erdogan û AKP ra vajo nê. Newe ra dagîrkerdişê Kurdistanê ra vajo nê.
Bi ewnê Erdogan û AKP deyîra “Bêjin na” hezm nêkenê û qedexe kenî. Tena qey xatirê deyîra Bêjin na(Vajê nê) bo zî gera herkes Vajo nê, nê, nê.
Sey Amedij vanê, hezar hewî nê. Vajenê nê, nê, nê. Nê de xeyr û bereketê Kurdistana Azad esto.