Bajarê Wanî ke bi pisîngê xo yê çimrenginan û werdê arayîya xo namedar o de çîyanê tewr muhîman ra yewe zî penîro vaşin o. Wan de bi vaşanê cîya-cîyayan penîr yeno viraştene û no penîr fekê merdimî de tehmêko mende verdano. Badê ke koçerî vejîyayî zozanan, dest bi viraştişê penîrê vaşinî kerdî. Welatîyê ke taxa Kardoxanî ya qezaya Erdîşî ya Wanî de karê heywankarîye kenî, şito ke heywanan ra doşenî reyde penîro vaşin virazenî. Penîro ke yeno viraştene, debîyeno dorikan û seba ke cayêko honik de bimano, erzîyeno binê herre. Tena penîr nê, keşk, rûno kele, toraq û lorik yeno viraştene. MA/WAN