Vernîya referandûmî her ke şino venê ‘Nê’ beno berz. Weşîntoxî û temsîlkarê sazgehanê sivîl anê zon ke qasê ‘Ya’yî vatişê ‘Nê’ zî meşrû yo.
Hemsereka Egîtîm Senî ya Şûbeya Wanî Gulcan Kaçmaz Sagyîgîte zî babete ser o qisey kerde. Sagyîgîte qiseykerdişê xo de va ‘Teşebusê derbe yê 15ê Temuze ra dima, îqtîdarî vera muxalîfan de hêrişê girdî dayî destpêkerdiş’ û qiseykerdişê xo wina domnaye: “Derbeya raştikêne 15ê temuze ra dima hetê îqtîdarê sîyasî ra ameye kerdiş. Îqtîdarî Qerarnameyê Hukmê Qanûnî xo rê kerdî qalxan û bi no hawa muxalîfan pelçiqneno.”
Ma do vajî ‘Nê’
Sagyîgîte dewamê qiseykerdişê xo de va ‘Eke bi girewtişê karê ma vanî qey ma do fek karê xo ra verabidî, mîyanê şaşîyêk de yî’ û wina dewam kerde: “Ma do hîna zaf wayîrê karê xo bivejyî. Ma do vera dîktatorî de xoverdayîşê xo hîna girdêr bikerî û referandûm de vajî nê.
Vatişê ‘nê’yî meşrû yo
No welat de vatişê ‘ya’ çiqas meşrû bo, vatişê ‘nê’yî zî hende meşrû yo. Wazenî referandûm ra seba xo netîceyêko bîyaye bigirî. Labelê hende xirakerdiş, zext û tedayan ra dima ez bawer nêkena ke netîceyêko bîyaye bivejîyo. 14 serrî yo ke AKP îqtîdar de yo û wazeno xoradayîşê cilan ra heta sewbîna zaf çîyan, o dîyar bikero. Ez sey cinîyêk vana nê.”
ŞÛJIN/WAN