Keynaya nuştox û şaîr Metîn Altiokî Zeynep Altioke qisey kerde. Altioke dîyar kerde ke bingehê qetlîyamî serranê 80î ra dima ame awankerdene û wina domnaye: “Tirkîya de vera şorişî de tayê projeyî estbî. O wext zîhnîyetê îslamê nermî ameyêne awankerdene. Çi heyf ke vîyarteyê nê welatî bi çîyanê winasîyan pirr o. Qetlîyam bi hawayo eşkera bi. Vejîya werte ke ameyo plankerdene û programê ci esto. No qetlîyam de Komare ameye hedefgirewtene. Wexto ke otele dîya adirî ver, siloganê ‘Wa biqehrîyo laîklîk’, ‘Komare tîya de awan bi û do tîya de xirabe bibo’ û ‘kafiran biveşnê’ ameybî eştene.”
Altioke va ‘herçiqas ke qetlîyam ser ro 26 serrî derbaz bîyî zî vatişê nefretî hîna zî dewam kenî’ û wina qedênaye: “AKP ewro estena xo bi cîyakerdişê komelî û bi vatişê dişmenîye domnena. Ziwano cîyakar ti kesî rê feyde nêano. Lazimîya ma bi qedîyayîşê nê ziwanî esta. Ganî demêko raver no welat vîyarte û dejanê xo reyde têrî bimano. Êdî bes o, ganî ma nê rikî ra bixelisyî û ma hîna bi wijdanî biewnî.”