Damûstayîn de vajîya ke ‘vejîn, bîyayiş û weşîya azad bê serok nêbena’ û hayr ancîya qewimyayişê Rojhelatê Mîyanî ser. Komîteyê Rayverîn vist vîrî ke ‘no dem serva şaranê Rojhelatê Mîyanî şert û mercanê ronayişê modernîteyê demokratîk kamîl keno. Damûstayîn de vajîya ke vejîno ke çalekîyê 15ê Tebax vet werte bi bedelanê gird û giran vejya werte û hayr ancîya rolê cenîyan ser: “Tekoşînê Serbestî yê Cenîyan bi Hemleya 15ê Tebaxî hona berz bî. Raştîya Kurdistan de vejîyayiş ebe pêşengîya cenîyan de bi. Xelesnayiş û înşayê netewa demokratîk zî do bi pêşengîya cenîyan de û bi rengê cenîyan virazîyo.”
‘Cuya azad bê serok nêbena’
Komîteyê Rayverîn yê PKK vist vîrî ke Hemleya 15ê Tebaxî serva şarê kurd bîyayişî kerdo garantî û vajîya ke vejîyayiş, bîyayiş û ciwîyayişê azad bê Ocalan nêbeno û nîya dewam kerd: “Bi rihê serhildan seferberbîyayiş, her ca de serva serbestîya Rayverîye nûmayiş viraştiş, bi zonayişê xopawiten viraştişê nûmayişan wezîfeyê her kurdî, welatperwerî û însanê demokratîk o.”
Damûstayîna Komîteyê Rayverîn yê PKK de hayr ancîya polîtîkayanê nikayî yê AKP ser û vajîya ke ewro bi destê îxtidara AKP demê qirkerdişê newî ame destpa kerden. Komîteyê Rayverîn vist vîrî ke hewcedarîyê şaranê Tirkîye zey hemleyekê 15ê Tebax esto. Damûstayîn de şexs dê şehîdê aşma Tebaxî û Azayê Komîteyê Rayverîn yê PKK Engîn Sîncer (Erdal) de pêrokîn şehîdê şoreşî vîr amey û vajîya ke wayîrvejyayişê vîrardenê Erdal û ronayişê serkewtişî mimkûn o.
‘Serkewtişa Minbic bimbarek keme’
Komîteyê Rayverîn veng da genc, cenî û pêrokîn kesê ke wazenê azad û bi rûmet bicuwe ke tekoşînê gerîlatî gird bikerê û ameyena azad bigîrê bin garantî. Peynîya damûstayîn de serkewtişa Minbic pêrokîn şaranê Rojawa û şaranê Sûrîye ra amê bimbarekkerden û kesê ke çarçoveyê hemle de şehît kewtî vîrardî, yê ke hemle de rol kaykerdî selamî kerd.
Damûstayîna Komîteyê Rayverîn yê PKK bi nê vatişan qedîya: “Veng danime şarê xo yê welatperwer, pêrokîn çormeyê ke dûştê sîstemî de tekoşîn kenê ke înşayê netewbîyayena demokratîk yê Rojhelatê Mîyanî de rol kay bikerê, her ca de sîstemê demokratîk ronê, nûmayişanê xo berz bikerê, rejîmanê faşîst birijnê û heta ke sîstemê xo ronime tekoşîna xo berz bikerime.
Raya Kurdistana azad akerd
Bi wesîleyê serragêra Hemleya 15ê Tebaxî de jû damûstayîn zî KONGRA GEL ra amê. KONGRA GEL Roşanê Vejîn Öcalanî rê, şarê kurd û dostanê ci ra bimbarek kerd. Damûstayîna Hemserokîna KONGRA GEL de hayr ancîya tecrîdê Rayverê şarê Kurd Abdullah Ocalanî ser. KONGRA GEL aşkere kerd ke serva ke 33. serragêra Hemleya 15ê Tebaxî de Rayver Apo azad bikerime ganî ebe pêrokîn quwetê xo seferber bibime. KONGRA GEL şexs dê Fermandarê Hemleya 15ê Tebaxî de pêrokîn şehîdê şoreşê vîrard û sozê ca ardişê xeyalanê înan da.
Kongreyê Civaka Demokratîk yê Kurdanê Awrûpa zî bi jû mesaj 15ê Tebax bimbarek kerd. KCDK-E vist vîrî ke 15ê Tebax tenya roşanê şarê kurd nê, yê pêrokîn şaranê Rojhelatê Mîyanî yo. KCDK-E 15ê Tebax zey dûştê koletî, zilm û zorvajî serwedarnayiş, îsyan û gama sifteyin hesibna û nîya va: ‘Bi na gama sifteyin ra pîya Kurdistan de raya serbestî abîya û bî hemleyêka ke taritîyan roşnî kena. KCK, HPG û YJA-Star zî bi damûstayînan 15ê Tebax bimbarek kerd.
ANF/NAVENDÊ XEBERAN