Serokê Şûbeyê Komela Pîr Sûltan Abdal yê Amed Cafer Kolumanî vist vîrî ke OHALî ra pîya bi jû derbeya sîvîlî amey me têrî. Kolumanî da zonayen ke Erdogan bi bêveng kerdişê çapemenîye wazeno homete bicero binê tesîrê xo û nîya va: “Bi qanûnan heqê girotişê xeber yê şarî girotê binê tivarîye, la nika bi xo nayî îxlal kenê. Paradîgmaya nika teyna zîhniyetê jû ra bingê cena. Çapemenîye ser nayî dayî ramitene. Çapemenîya ke verra AKP ya xo rê jê taloke vînene. Ma Alewî, Kurdî, kiştê çeb, sosyalîstî bîmî maxdûr. La wa bizanê ke bi manîkerdişê heqê zonayis girotişî yê şarî nêşkenê vernîya tekoşîna demokratîk yê şarî bigîrê. Na mesele yê ma pêrokîna ya.
Serokê Komela Hermenîyanê Mezopotamya Arat Karagozyan zî da zonayen ke televizyon û radyoyeke amey girotiş vengî şarî bî. Nika no veng birnayî. Çapemenîya bînî yê hikumatîya ma veng nêdanê ci. Televizyon û radyoye ke vengê şaran bî, riyê polîtîkayanê faşîstî yê hikumat ra cerîyayî. Verra nayê hêrsê xo ame zon.
DÎHA /AMED