Dewlet peyser gam eşt
Dewleta Tirk zey xeylê cayanê Bakur, Silopî de zî bi desan rojana, bi tanq, top û tifînganê girana êriş kena, banî rijinay û qeçek, cenî, pîr û kalan kişena. Qeza de, 37 rojan miyan de, 26 sivîlî kişiyay û bi desan kesî bî dirbetin. Wastenê dewlet teslîm girotişê şarê Silopî bi. La, şarê Silopî vera terorê dewlet sereyê xo çewt nêkerd û heme hetan ra xo ver da. Netîceyê xoverdayişî de, dewleta tirk mecbûr mend, rojê 37 ê ‘qedexe’ de, peyser gam eşt. Hinî ‘qedexe’yê kûçeyan bi roj hewada û şewan rameno.
Vera teror warê xo terk nêkerdî
Badê hewadayinê ‘qedexe’yê kûçeyan, texrîbato ke dewleta tirk 37 rojan miyan de kerdo zî, vejiya werte. Quwetanê Tirk banî, camî, mektebî û cayê tarîxî bi tanq û topana rijinayê.
Şarê Silopiyê ki vera heme terorê dewleta Tirk ca û warê xo terk nêkerd, DÎHA rê qisey kerd û qerardarînê xoyê seweta xorayverîni ard ziwan. Welatijanê Silopî ra Îsmet Ozturk'î vat ki, iyê ke qezenc kerdê şarê Silopî û iyê ki kerdê vinî jî, wahşetê dewleta tirk ê. Gulê Halîtoglu zî eleqe ant terorê dewleta Tirk ser û vat ke, iyê zey hetanî nika, ewro ra tepiya zî xo ver bidê û vera dewlet sereyê xo çewt nêkerê.
DÎHA/ŞIRNEX