Sûka Almanya Essen de bi yew semîner eleqe ancîya şîdetê vera cenîyan ser. Bi Rayverîya Meclîsê Ceniyan ê Berîvan Şengal de xelyek cenî ameyî pê ser. Serrgerayinê şehadetê gerîlayê YJA Berîvan Şengal de şexsê ci de pêroyê şehîde Kurdistan yad bî. Semîner de zilmê ser ceniyan ê Şengal ardiya vîre û vaciya ke no zilm verê çimanê pêroyê dinya de dewan keno.
Şîdet rê lanet varîya
Hûnca Kader Kadandir ke Elmanya de hetê miyerdê xo verîn ra şîddêt dî, no zî şermezar bi. Qalkerdişan de ardiya zûne ke semedê no vahşetî vindarnayişa gerek cenî riyeçê Zîlan, Berîtan û Berîvanan ra şuyerî.
Per bîn ra bajar Hameln de şexsê Kader Kandandir de pê yew mîtînga şîddêtê ser ceniyan şermezar bi. Pê vengdayişê serokê şaraderiyê Hameln Glaudio Griese biseyan Almanana piya xelyek Kurdistanij û temsîlkarê saziyanê Kurd tewr bî. Mîtîng zaf eleqayê çapameniyê Elmanya zî ûnt. Televîzyonê verîn ê Elmanya mîtîng gunî tewr temaşekerdoxanê xo bar kerd. Qalkerdişan de şîdet lanet bi, semedê guretişê vernîya ci eleqa anciya tekoşînê ceniyan ser.
Nûmayişî ramenê
Sûka Almanya Sîegen de zî bi munasebetê 25ê Mijdarî semînerek virazîya û filîmeke ame temaşekerdiş. Bernameyo ke hetê Meclîsê Pakîze Nayir ra organîze bi de, pêrokîn cînayetê cenîyan amey lanetkerdiş û nêrazîbîyayiş damûsnîya. Herzewbîn dûştê şîdet vengdayişê ‘Seba pûçkerdişê îşgalkarî xobîyayiş’ ame dayen.
Organîzasyonê Cenîyanê Kurd yê Rûsya Vîyan û TJK ke bi wesîleyê 25ê Mijdarî de damûstayîn day û vera şîdetî hayr antî xoverdayişî ser.
Ewro zî xêlê cayan de çarçoveyê 25ê Mijdarî de nûmayişî virazîyenê. La meşt xêlê welatanê Awrûpa de û bi desan navendan de cenî vejyenê meydanan.
NAVENDÊ XEBERAN