Pêroyina Dinya û Tirkîya de vilabîyayişê vîrûsî domyeno û vera vîrûsî ra Tirkîya de 2 rojê qedexeyê tebervejyayişî ame îlankerdiş û zaf hûmarî de qeza û dewê binê karantînaye ameyî girewtiş. Gever de zî welatijan seba paştdayişê yewbînan rê 70 heywanî serebirnayî. Dewijî hetêk ra zî bi dayîşê nê qûrbanan wazenê wa virusê Korona hetê înan nêro. Muxtarê dewe Hamza Han vano ke, şîyîş ameyîşê dewe ameyê qefilnayîş û heywanê ke amê serebirnayîş, goştê înan do dewijan rê bêro vilakerdiş. Semedo ke wa virusê Korona nêmano û nêweşî bibê weş 70 heywanî ameyî serebirnayîş. Dewa Alekananî 15 kîlometre dûrê Geverî de ca gêna û tede 200 keyeyî estê. MERKEZÊ XEBERAN