Pêroyina Dinya de vera vilabîyayişê Vîrûsê Koronayî tedbîrê cidî yenî girewtiş. Endonezyayî de pisporan çiqas seba îlankerdişê qedexeyê tebervejyayişî veng zî dayê la serekkomarê Endoznezyayî sey serekkomar Erdogan goşanê xo qefelnayo û qedexeyê tebervejyayişî îlan nêkerdo. Girawa Cavayî yê Endonezyayî de qewetê xocayî û şar pîya tedbîrê xo girewtê. Çarçiweya tedbîrê vera Koronayî gruba bi sawêro kefenî ame ronayiş. Nê sawêran rîyê xo pudra kenê û kesê ke teber vejyenî înan tersnenê. Proje sifte tesîr nêkerdo, çimkî endoznezyayijan seba dîyîşê sawêran ser o vejyayê teberî. Vera na rewşe zî taktîkê xo bedilnayê û sawêran êdî şew kûçeyan de gêrenê û no ser zî êdî dewijan zî terse xo ra nêvejîyenê teberî. MERKEZÊ XEBERAN