Di 2011’ê de bi rayverîya cenîyan seba Rayverê Şarê Kurd Abdullah Ocalan Plaforma seba Aştîyî Ocalan ra Azadîyî ameybironayiş. Na platform di 15 Sibate 2014’ê bi 127 nuştox, roşn û rayverê komeleye de destpê kampanyaya ‘Ocalan ra Azadî’ kerdbi. Çarçiweya kampanyaye zî 10 mîlyon îmze ameybi hedefkerdiş do nê îmzayan zî di 15 Sibate de TBMM, BM, Meclîsê Ewropaye ra bêro teslîmkerdiş. Kampanyaye ser hemsereka TUHAD-DERe Derya Us aşkera kerd ke taybetê rojê peynî kampanyaye ra lez ameyodayiş û çarçiweya kampanyaye bi hezaran mehkûmê sîyasî ray dayî la belê dewleta tirk avernêşîyîşê kampanyaye ser astengî vejeno û wina vat: “Seba ma taybetî di çarçiweya kampanyaye de îmzedayişê mehkûmê sîyasî zaf muhîm o. Ma rayverîya kampanyaye bi pratîke girewtê serxo. Birêz Ocalan endamê komeleye ma yo. Seba ma, azadîya Rayverê ma heme çik ra muhîm o. Ma hem zey cenî hem zî zey şar vanî ke birêz Ocalan Rayverê şarê kurd o. Di kûçeyan de elaqayê şarê kampanyaye ra zaf o. Çarçiweya kampanyaye elaqayeke gird est o û no elaqa zî bi coş domyeno.”

Ma day femkerdiş
Hemsereka TUHAD-DERe Us vat ke ê dema ke cayeke şonê sifteyin persê şima seba Rayverê xo îmze eştî persenî û wina dewam kerd: “Embazê ma, malbata ma, embazê karê ma, ma her kes reyde xebatê xo aver benî. Ma her kes ra eştîşê îmzeye ser înan de qal kenî. Ma dema ke malbatan reyde kombîyayiş virazenî, no demî merdim çimê malbatan coş û heycana kampanyaye vîneno. Heme malbatan seba famdayişê Rayverê xo ser xebat kerdî û xebatê xo zî domnenî û no ser xebateke muhîm kenî.”
Us ciresna ke taybetê di zîndanan de kampanyaye ra elaqayeke gird est o û wina domna: “Seba ma zî no xebat, xebatake muhîm bi. Êdî peynîbîyîşê kampanyaye ra tikey mendo. Verba heme astengîyê dewleta tirk mehkûmê sîyasî kampanyaye ra elaqayeke gird mojnay. Taybetê di zîndana Elbîstane de avernîşîyê kampanyaye di mîyanê mehkûmê sîyasî de rayedarê zîndane zaf pirsgirêk vetî. Di Amede nêzdî 1 mîlyon îmze ame komkerdiş. Ma tena Rayverê ra qal nêkenî ma azadîya şareke ra qal kenî. No ser zî kesayetî nê azadîya yew şar ser bêro vindertiş. Hema zî omidê ma est o, ma şarê xo ra bawer kenî û omidê ma Rayverî ma yo.” 




NURCAN YALÇIN/JINHA /AMED