Her kerraya ke yena wedarnayîş binê ci de cu û hîkayeyê cîyayî vejîyenî orte. Hîkayeya Fatma Hesene ya ke 12 serrîya xo de bi hawayo berdêl ameybî zewecnayîş zî înan ra yew a.
Fatma Hesene ke bajarê Girkê Legî de ameybî dinya qala zehmetîyê ke antî kerde. Fatmaya 45 serreyî qiseykerdişê xo de wina va: “4 wayê mi estî. Ez hema domano ke 12 serreyî bîya pîyê mi birayê mi reyde mi kerd berdêl. Pîyê mi maya mi ser de zî hewî ard. Hedefê pîyê mi o bî ke domanêko ci yê lajek bibo. Pîyê ma qet ma û maya ma nêfikirîya. Badê ke ez zewecîyeya mi fek mêrdeyê xo ra verada. Ez bîya qurbanê urf û edetê komelî.”
Mi waya xo ra hêz girewt
Fatmaye qiseykerdişê de wina va: “Tecrubeyê cuye hêz da mi. Mi tay kesan ra moralê serkewtişî girewt. Înan ra yew zî waya mi Hevîdara ke tewrê warê azade bîbî û cuyê xo vînî kerda. Mi vera zehmetîyê cuye de her wext waya xo, xo rê finak girewt. Seba ke maye û pîyê min merdî, ez waya xo Hevîdare ra tepîya menda û beşdarê şerê azadîye nêbîya. Barê keyeyî milê mi ser de mend. Ez do tim bi hêzê waya xo şerê azadî de ca bigira.”
ŞÛJIN/RIMÊLAN