Vakûrê Kurdistan’î de zî zey her serr, emserr zî hetê TUHAD-FED vera Amara şiyayişeke viraziyeno. Hemserokan ra Mehmet Temîzyuz’î da zonayen ke hadreyînê bimbarekînî yê Amara qediyayê û aşkere kerd ke Xelfetî de bimbarekînî dê 3ê Nîsan ra tepya destpa bikerê. Temîzyuz’î vist vîrî ke hewldayenê manîkerdişê bimbarekîn yê walitî ramenê û ard ziwan ke çapemeniya hetkar de propagandayê zey ‘qedexe bi’ yenê kerdin. Bi nay wazenê verniya tewrbiyena berz bigîrê. Temîzyuz’î da zonayen ke, heta nika înan rê derheqê ‘qedexe’ de teblîgateke nêameyo.
Roja akerdişê raya azadî
Hemserokê TUHAD-FED Mehmet Temîzyuz’î da zonayen ke, 4ê Nîsan 2004î ra na het yena bimbarek kerdin. Temîzyuz’î ard ziwan ke serva şikitenê tecrîdî ganî se hezarî kes verê xo bidê Amara û wina va: “Herkesî dî de pêvacoyê bê Ocalan’î senî bi netîce benê. Nayî ra serva peynî ardişê kaos û herbî ganî birêz Ocalan serbest veradiyo û zey sermuzakerekerdox mase de cayê xo bigîro. Nayî ra 4ê Nîsan ke tecrîdê ser Ocalan’î destpa kerd wa bibo roja şikinayişê tecrîdî, destpa kerdişê pêvacoyê çarekerdiş û roja akerdişê raya azadiya Ocalan’î.
Hemseroka TUHAD-FED Bahar Oktay’î zî serva qîrkerdişê waştena serbestiya Ocalan’î vengê tewrbiyen da ceniyan û Kurdistanijan. Oktay vist vîrî ke qerarê ‘qedexe’ yê walitiyê Riha hiqûqî niyo û aşkere kerd ke, no qerar do bi pêhetameyişê des hezaran kesan veng-tol bîro vetiş.
ANF/RIHA