Sedemê ameyayişê olê Îslamî zî awa. Vanê verê îslamiyetî; (ku Îslamiyet bajarê Meke de amew riyê dinya. Bingehê xo no bajarde viraşt.) zulm û teda zehf zêdebiya. Zordestan zehf teda ro bindestan kerda. Dewlemendî çend hebîy tenê, şar pêro feqîr û binê zulmê zordestande biyo. Tenê zulm feqiran ser nê, cenîyan zî sero teda zehf girde bibiya.
Yeno vatiş ku gava cenî biweledyê, ku sebiya (tifal) ameyê dinya sebiya keynayine bêy a sebî ewna ganî ganî dekerdê binê axe. Tenê sedem ya tifale keynaya. Dekerdê goristan. Olê Îslamî semed nê zulm, zor, teda û herî zêde zî cenîyan bixelesno amewo riyê dinya. Cenî zey yeno zanayiş warê merdiman de nêameyê girewtiş. Bi her awayî bin zilm û zorî de bî. Olêko bi na armanc û mexsed bikewo raye la ewro yêko bi namey nê olî qaşo vanê ma wêrisê nê olîyê herî zêde zilm û teda kenê. Temamê miletî verê çimanê xo de vînena. Eyro ro wextê verê Mekeyî zêdeyrî zilm zor kenê. Mêrdan kişenê cenîyan û keynan benê roşenê bi her awayî xirabiye pêy kenê.
Hema vace temamê dewêlanê Rojhilatêmiyanîn de no wehşet yeno kerdiş. Ewro ma vînen yine xo resno Parîs. Zerê Ewropade zî nê wehşetê xo bi ca arenê. Qetlîame virazenê. Gava merdim awneno dîrokê dinyara panc hezarî sero no ewna yeno zî. Bi eqilê mêrdê serdestî hegemonyêk yena heta ewro. Yinêko dew û doza merdimatî kerda no wazen alim, wazen filozof, wazen pêxember bo dij nê hegemonyay vecyêy. Tekoşînê xo bi şîarê edalet, azadî û zey yewbînî bi wayîtî û biratî ramita. Cudatiye beyntarê cenî û mêrdîde nêdiya. Pêro pîya merdim amewê diyayiş. Wexto pêro teydir merdim bêrê diyayiş o wext lazimo zey yewbînîy bêy. Tekoşîn tenê dij (duşt) sermaye û kede nê, dij her away zilmî ameyê dayiş. Lazimo bêro dayiş zî. Hetêka zilm û zor, Heto bînra tekoşînê merdimatiye.
Heta ewro amewo. Ewro na “ala” merdimatî bi destê YPG, YPJ, PKK Kobanî, Mexmûr, Şengal de berz bena. Temamê bindestanrê bena omûd. Bena şewq û bena şemale. Verniya nê zulm û wehşetî bi serok wezîrê dewletanê ku Parîste amey têhet nîno girowtiş. Wehşetêko virazyenê engîşta nê serok wezîran, yê nê hukûmetan esta. Yêko nêwazê qatil û qesasê hîrê siyasetmedarê Kurd yê SAKÎNA yan bivînê nêşkenê, nêwazen qesasanê “Charlîe Hebdo”y zî bivînê. Tenê merdim na erdnîgariya Kurdî sero ciyen û yê filîstînij sero ciyenê bawno beso. Kam wazen vernî nê zulm, zor û qetlîamî bigero lazimo goş bido zanist birêz OCALANî. Dest bido destê şervananê YPG, YPJ, PKK. Tenê no sewtê OCALANî û nê şervanî êşkenê vernîya nê xiraban û na xirabiye bigerê.
Nesîp GULTEKÎN