Dawaya ke Mehkemeya Cezayê Giran ê 4. yê Enqera de amê vînayen vizêr dewam kerd. Heyetê mehkema îfadeyê verî yê versûc Hakan Şahînî vist vîrî. Ser nayî versûc Şahîn o ke kewt nakokîyan û xo kerd kerr û gêj wina va, “Ez kirêşta odeyekê. Ewja de mi îfade da. Mi qebûl kerd, mi rê vatî 3-5 serran ra dima ti dê serbest veradîye.” Şahînî îdia kerd ke eyrê vajîyayo ke eleqeyê to bi bîyayiş ra bibo, ti dê qanûna poşmanîye ra sûd bigîrê û va, ‘Mi rê vatî “raşt o?” mi zî va, “heya”. Mi îfadeyê raşt nêda. Tayî amey girotxane zî.
Ser persa “Çima şima AŞTI de nê, Golbaşî de pêvîna? Şima bi texsî Ulusê ra şîyê Golbaşî. No normal nîyo” yê hekîmî, Şahînî wina va, ‘Rîwalo ke telefonê mi xirab bibe, mi nêşa xo biresna înan.”
ENQERA