Veşo ke rexmê pêrokîn mudaxaleyê dewijan nêtefîya vilayê mintiqeya mavêna Kortan û Koyê Kil bi. Veş hetê Girê Vile Almano, Cunîkufrî û dewa Khalmen beno. Netîceyê veşî de heta nika bi seyan hektarî hêgayî veşîyayî.
Vengê seferberî
Dewijê dewa Kil Kazim Taşkiran ke mudaxalenêkerdişê dewlet ra hêrsê xo damûsna aşkere kerd ke eke no veş rojawayê Tirkîye de vejîya bi înan do asmen ra bi helîkopteran, bi teyareyan heta nika mudaxale kerdîya bi.
Heto bîn ra lejkeran dewijê dewa Kil ke waştî mudaxaleyê adirî bikerê manî kerdî. Yardimkarê Şaredarîya Dersim Îbrahîm Kasûm zî aşkere kerd ke ekîbê îtfaîye ke seweta tefînayişê adirî riştî hetê lejkeran amey manîkerden. Kasûm veng da şarî ke veşnayişê birrî rê destûr nêdê.
Serokê Şaredarîya Qisle Cafer Kirmiziçîçek, Îdarekarê Komeleyê Demokratîk yê Alewî û Aktivîstê Komeleya Xoza ya Mûnzûr zî serva tefînayişê adirî veng day şarî ke seferber bibê.
DÎHA/DERSIM