Vera Faşîzmê AKP û zilmê dewleta tirk, Ewrûpa de jî nêrazîbiyayinê benê vêşî. Sernî de Avusturya û Luksenburg, welatê Jûwîna Ewrûpa Tirkiye ra wazenê goreyê prensîbanê hiqûqî û heqanê merdiman hereket bikiro. La belê bi sebebo ki hukumetê AKP û dewleta tirk goş nêdana û heme heqan û prensîban gena binê lingan, hêrsê vera ay jî beno vêşî.
Endamê Parlemena Ewrûpa jî vera Tirkiye bi hêrsê û iyê roniştinê meşt de, faşîzmê AKP û zilmê dewleta tirk sero vindirê. Koma Sosyal Demokratan pêşniyarê vindarnayinê muzakereyan ê bi Tirkiye ra kerdo hedre. Komê bîn ê Parlemena Ewrûpa jî desteg danê ena pêşniyari. Ena pêşniyara qalkerdî jî, siba pêşkeşê rayanê parlementeran bibo.
Sermîyanê Tirk ‘goş nêdanê’
Goreyê kulîsan, pêşniyara bi zafê rayana qebûl bibo. Rayverînê Tirk zey ke goş nêdanê û qerarê Parlemena Ewrûpa tesîr nêkero hereket keno. Heta bi vatena zey "ê şenê tewrê Şenghay bibê, vera Jûwînê Ewrûpa şantaj keno. La belê pisporî vanê ki, qerarê Parlemena Ewrûpa rewşê ekonomiyê Tirkiye sero tesîrê gird bikiro. Pisporî fînenê vîrî ki % 50'ê îhracatê Dewleta tirk vera welatanê Ewrûpayo û sedi 60 sermayeyê Tirkiye jî, ê welatanê Ewrûpayo û vanê: “Her çiqas qerarê Parlemene Ewrûpa, rast ra rast hukumetan û lîderanê Ewrûpa girê nêdano jî, la belê hukumetî nêşenê ê qerarî mevînê. Coka jî, qerarê Parlemena Ewrûpa tesîrê gird ekonomiyê Tirkiye sero bibo û adirê dolar heveyna berz bikiro.”
BRUKSEL