Taxa Fîskaya ya Amedî ke netîceyê polîtîkayê veşnayîşê dewan de awan bîbî, netîceyê polîtîkayê îstîmlaqkerdişî yê dewlete de rijîyayîşî reyde rî bi rî ya.
Taxa Fîskaya ke taxanê tewr kehen yê bajarî ra yew a, şarê taxe tim vera bajarbîyayîşî de erjê xo yê komelkî pawito. Taxa ke tede têkilîya cîranîye domîyena, ewja de şar debara xo bi heywankarî û zîretî keno. Taxe de nizdîyê 800 keyeyî estî û heme keyeyî yewbînan şinasnenî.
Bado ke Sûr de pêrodayîşî dest pêkerdî, kewtiş û vejîyayîşê taxe de nuqtayê kontrolî yê polîsan ameyî ronayîş. Şarê taxe îxtîmalê rijîyayîşê taxe ver, etiryenî û dîyar kenî ke ê nêwazenî daîreyanê apartmanan de bicuyî.
AMED