Li Silêmaniyê di pêşengiya Rêxistina Jinên Azadîxwazên Kurdistanê (RJAK) ji bo Viyan Soran ku di sala 2006'an de li herêma Heftenînê ji bo tecrîda li hemberî Rêberê Gelê Kurd Abdullah Ocalan şermezar bike, bedena xwe dabû ber agir, bi semînerekê hat bîranîn. Semîner, bi deqîqeyek rêzgirtinê dest pê kir. Di semînerê de dayika Viyan Soran, Gelawêj Elî Mihemed û kesên akademîsyen, rojnamevan, siyasetvan û girseyekî mezîn beşdarî bû. Piştî axaftina vekirinê, ji bo li ser kesayet, jiyan û têkoşîna Viyan Soran, Endamê Desteya Rêveber a PÇDK'ê Hesen Cudî û Endamê RJAK'ê Tara Qadîr axaftin kirin û behsa kesayet, jiyan û tekoşîna Viyan Soran kirin. Hesen Cûdî di axaftina xwe de spasî ji bo dayika Gelawêj kir û got:"Heval Viyan di tevgera azadiyê de cih û rolekî xwe yê girîng hebû û erkên mezin girtibû li ser milê xwe. Di xebat û tekoşînê xwe de pir bi aqilane û bi biryar bû. Tu caran di tekoşîna xwe ya azadiyê de poşman nebû."


Şehîda Neteweyî ye
Endama RJAK'e Tara Qadîr jî li ser kesayet û çalakiya ku bandora xwe li ser jinên Herêma Federal a Kurdistan û çar beşên Kurdistanê kiriye axivî û wiha pêde çû:"Bi dehan jinên wekî min piştî şehadeta heval Viyan ev têkoşîn, felsefe, bîr û bawerî û îdeolojî nas kir. Wek jin, wek têkoşêreke azadiyê em heval Viyan şehîdeke neteweyî dibînin. Şehîd Viyan, Aram, Leyla Qasim û bi dehan wek van şehîdan pêwîst e em wek şehîdên neteweyî bîbinin." Piştî semînerê gora Viyan Soran hat ziyaretkirin. Li goristanê peyama RJAK'ê hat xwendin û bi dirûşmayên "Şehîd namirin, Jiyan Viyan e" merasîm bi dawî bû.

Duhokî jî Viyanê bibîranîn
Endama YJA-Starê Vîyan Soran ku 8 sal berê, çalakiya fedayane lidarxist li Duhokê hat bîranin. Rêxistina Jinên Azad a Kurdistanê (RJAK), bi boneya bîranina Viyan Soran bibîr bînin li Duhokê bernaeyek pêk anîn. Endama RJAK'ê Newroz Ceren, diyar kir ku Soran bi boneya komploya li dijî Ocalan pêk tê şermezar bike û balê bikşîne ser kompoyê ev çalaki pêk anî. Ceren, da zanîn ku Soran ji bo gelê xwe xwe veda kir. Rêveberê PÇDK'ê yê Duhokê Îbrahim Oramarî jî anî ziman ku gelê kurd êdî li hemberî hemû hêzan xwe bi rêxistin kiriye û tu hêz nikare vîna gelê kurd têkbibe. 

DÎHA/SILÊMANIYE/DUHOK