Ser Kobanê hêrişê çeteyê DAIŞê domyeno û verba nê hêrişan zî bi destanî xoverodayişê hêzê YPG/YPJ zî domyeno. Çi heyfo ke Kobanê hema zî di binê teluke ya qirkerdişî de yo. Welatijê ereb Xanîf Dedilî (40) zî beşdarê YPG bi. Xanîf Dedilî peynîya hêrişê çeteyê DAIŞê heme malbatê xo vinîkerd. Dedilî nika di Şaristanê Çadirê ya Kobanê de wezîfeyê asayîşî averbena.
Dedilî taybetê nakokîyeke di mîyanê mûxalîfan de ameya cuyayiş ey ra tesir kerdo û no ser zî beşdarê YPG bîyo û di refê YPGî de verba çeteyê DAIŞê seba Kobanê têkoşîn dano. Dedilî hembarîya lejkerê tirk û çeteyê DAIŞî ra zî şahîd bîyo.

ESÎR KEWTO
Dedilî dîyar kerd ke sifteyin di dewa Momijî ya Helebî de verba rejîma Esedî di mîyanê mûxalîfan de têkoşîn dayo û wina vat: “Ez di mîyanê hêzê mûxalîfan de dizdeyê û nakokîyan ra şahîd bîya. Çimkî nê mûxalîfan heme dewan talan kerdî. Verba nê nakokîyan, ez zî Kobanê ra vîyarta û beşdarê YPGê bîya. Çeteyê DAIŞê dayik, pîy, birayê min, cenîya min û kênaya min bi temamê 12 kesî qetil kerdî. Malbatê xo ra tena, ez di cuyayiş de menda. Peynîya merdişê malbatê min, ma heremê DAIŞijan Ebuserî ra kewtî. Ma di biksî girewt û ma yew tanqî zî bomberan kerd. Peynî min kewt destê DAIŞijan û şorişgerê YPGî min destê DAIŞijan xelisnay.”

HEMBARÎ DAIŞ Û TIRKÎYA
Dedilî bi finakan hembarîya dewleta tirk û DAIŞê da û wina domna: “Ez dema ke ser sînor bîya. Verê çimê min lejkerê tirk 25 tanqê, trenan ra ardî war û teslîmê DAIŞijan kerd. Nê lejkereke çek DAIŞijan day, saetê şewî hêrişê hêzê YPG/YPJ kerd. Nê lejkeran ser gule veradanê la belê DAIŞijan ra zî çek danê. Destê çeteyê DAIŞê cenazeke bikewo nê cenazeyan ra îşkence kenî û adir erzenê la hêzê YPG/YPG ona nîyê, her tim cenazeyan ra rêz mojnenê. Ez ser wezîfeyê 3 çete kişta.”

WAŞTIŞÊ HETKARÎYÊ

Dedilî ciresna ke ey nê di hewteyo ke ser sînorê wezîfeyê asayîşê keno û wina qedîna: “Refê YPGî de ca girewtişî xo ser, xo zaf bi şans veynena. Ez êdî xo ereb nêveynena, kurd veynena. Hêzê YPG/YPJ tena seba Kobanê û şarê kurd nê, seba heme şaran têkoşîn danê. Ez erebeke di mîyanê çeteyê DAIŞî ca gênî, înan ra veng dana; wa DAIŞê ra fek verabidê û bêrê beşdarê YPG bibê. Seba şarê Kobanê ra hetkarîdayişê yew korîdorê merdimatî şert o. Kobanê nika di binê zehmetî de yo û hetkarî lazim o. Tirkîya wazena Kobanê bikewo la ma aşkera vanê ke Kobanê nêkewt, nêkewo zî.”

DÎHA/RIHA



Ser sînorê xoverodakar arnavut



Di venba hêrişê çeteyê DAIŞî, têkoşîna hêzê YPG/YPJ dîrokî ra vîyart. Zey têkoşîna YPG/YPJ di ser sînorê Kobanê de zî heme dorûverê şaran xoverodayişê xo domnenê. Welatijê arnavut Firat Horoz destpê kerdişê xoverodayişê Kobanê ra pey di cuyayişê xo de sifteyin ameyo Kurdistan. Horoz peynîya veynayişê xoverodayişê Kobanê, biryar dayo ke do Kobanê de cuyayişê xo ra dewam bikero. Xoverodayişê Kobanê ser Firat Horoz aşkera kerd ke di dema vîyarte de zey çeteyê DAIŞî, dewleta Osmanî zî arnavutan ra hêriş kerda û arnavutan qirkerda û wina vat: “Ez Rayverê Şarê Kurd Abdullah Ocalan zey Rayverê xo veynena. Nika ra pey şerto ke şarê kurd her roj verba çete û dewletan şerkerdişî rê hêzê pawiyayişê xo ya cewherî biakerê. Ez zî beşdarê xoverodayişî biba. Na dewleta faşîst hetanê nika bi polîtîkayê xo leyminî sareyê ma şuşta, ganî ma nê polîtîkayan seba aqilbîyîşê rê her tim perwerdeyê xo bidomnê.”

Ma dewleta tirk wehşetî reyde şinasna

Di ser sînorê Kobanê 38 rojoke çalakîyê domyeno. Di nê çalakîyan de welatijê di alman zî ca gênê. Welatijê alman Yakob Weîdder û Arne Brutner peynîya hesîyayişê xoverodayişê Kobanê di Fethîyaya Muglayê de fek betalê xo ra veraday û amey ser sînorê beşdarê çalakîyan bîyê. Nê ciwanan seba projeyê xo heme çalakîyan qeyd kenî. Xoverodayişê Kobanê ser Weîner (Sipan) vat ke înan bal ontişê xoverodayişê Kobanê rê amey ser sînorê û wina vat: “Di xoverodayişê Kobanê û ser sînorê pîya resay la belê lejkerê tirk ser sînorê hêriş welatijan kenî. Zatî di Tirkîyayê de her tim înan veynenê polêsê dewleta tirk hêrişê welatijan kenî.”

XOVERODAYIŞÊ DÎROKÎ
Hewna Brutner (Xelat Şerwan) zî aşkera kerd ke di dîrokî de finak a xoverodayişê Kobanê çin o û înan ser sînorê no xoverodayişê hîna weş hîs kerdî, di ser sînorê welatijan bi biryardarê verba hêzê dewleta tirk têkoşîn danê û qet cayê çalakîyê zî terk nêkenî. Brutner aşkera kerd ke înan di Pirsûsê de çi veynayê se do heme dinyayê ra biresnê û hewna Kurdistanê ra bêrê.