Hepisxaneyan de her ke şono îxlalê heqê merdimî aver şonê, ame musayiş ke Hepisxaneyê Tîpa F yê Tekîrdagî de Tahîr Aktan bi tena hucre de maneno û polê ey ê şikite zî nîno dermankerdiş. Dayîka ey Cevahîr Aktan babete ser o qise kerd.
Cevahîr Aktan vat ke a seba ke lajê ci ra îşkence kerdî, qehrî ra felc bîya û wina vat: “Lajê min ra roja yewine ra nika îşkence kenê. Lajê Mêrdîn ra surginê cayo bîn kerdê, Mêrdîn de bi rehetî ez xo rê şîynê zîyaretê lajê xo la surgin ra pey nêeşkena şîra hetê ci. Ma musayî ke lajê min bi tena yew hucre ra ronayê, na xebere ra pey polêk û di linganê min felç bîyê.”
Aktan dîyar kerd ke her roj hepisxaneyan ra xeberê îşkenceyî yenî, xo ra domananê înan mîyanê 4 dêsî de manenê, zereyî de domanê înan ra teberî de zî înan ra îşkence kenê.
Bi zitkerde îşkence kerdê
Hewna Mefîya Aktan zî vat ke vistewreyê a her tim bi tena hucre de tepişenê, hema zî îddîanameyê ey nêameyo hadrekerdiş û wina dewam kerd: “Bi zitkerde bi rojan îşkence kerdê, no hal de zî dayî çapemenî. Destê ey şikitê. Avûkat seba dermankerdişê çend ra waştişnameyî zî da la qebul nêkerdê.”
JINNEWS/MÊRDÎN