Serekê TEVDAye Seîd Hesen Seîd aşkera kerd ke verba çeteyê DAIŞe têkoşîndayiş ser kurdan yew wezîfe yo û wina vat: “Hêzêke seba azadî têkoşîn dano se ganîyo ke verba nê çeteyan şer bikero. Ma sifteyinî ya operasyonî ra nika di noca de yê. Her ke şîynê di Şengale de omidê şarê ma kêm bîynê, êdî embazê ma navenda Şengale di mîyanê şerî de yê, ma hetanê peynî seba şarê xo têkoşîn bidî. TEVDA seba şarê êzidî di serra 2004’ê di Şengale de ame ronayiş. Ma verê fermana 74’ê vat bike ganîyo ke şarê êzidî bi pergala xo Şengale îdare bikero û no ser zî ma êdî şarê Şengale ra vengê Xoserîya Demokratîk kenî. Ganîyo ke heme hêzê Kurdistanî zî hêzê YPŞe ra hetkarî bidî.”
Hewna endama Rayverîya TEVDAye Netewe Xemgîn zî aşkera kerd ke Operasyonê azadkerdişê Şengale seba şarê êzidî qezencîke gird o, eke sifteyin ra no operasyonê hêzê HPG, YPŞ û Pêşmerge bi hembarî de bikerdî do şarê êzidî hîna keyfweş bibîynê û wina dewam kerd: “Peynîya fermanî çi heyfo ke nê hukûmata Iraq nê zî hukûmata Federal a Kurdistan wayîrê Şengale nêkerd.”
Xemgîn wina vat: “Şengal heme waran ra ameybi dûrvistiş. No ser zî Şengal kewt destê çeteyê DAIŞe. Hetanê nika şarê ma qet dîroke ser nêameybi perwerdekerdiş û hêzê cewherîya şarê ma zî çinîbî. Êdî şarê ma nêwazenê Şengal zey verên bêro îdarekerdiş. Ma êdî kantona Şengale wazenî. Êdî şarê êzidî di Şengale de xobixo îdare bikero. Ganîyo ke heme ciwanê kurd di refê YBŞ û TEVDAye de cayê xo bigêrî. Çimkî kokê kurdan di Şengale de yo. No esasê ser her kes xobixo îdare bikero. No esasê ser ma şarê xo Şengale ra dawet kenî. Êzidîyan di kura de bibo se zî xobixo rayvist bikerî.”
Endamê Rayverîya TEVDAye Munzur Şengale zî ciresan ke ser hêrişê çeteyê DAIŞe 5 aşm vîyart, şarrê kurd ra zey no tarz hêrişan her tim ame kerdiş, xelisyayişê şarê êzidî encax bi rayîrê korîdorî bi, çetey waştê Şengale ra êzidîyan bivejnê la verba nê çeteyan êzidîyan têkoşîn day.
BOTAN GULAN/ANF/ ŞENGAL