SEMRA TÛRAN / MA / DÊRSIM Heme qezayê Dêrsimî bi cayanê xo yê tarîxkî û rindîyanê xo yê tebîîyan bala merdimî ancenî. Qezaya Pêrtagî ya Dêrsimî ke bi berardişanê zîraî û tebîîyan yena zanayene de kesî bexçeyê xo de berardiş û heykankarîye kenî. Nê rojan de her keyeyê qeza de amadekarîyê zimistanî yenî kerdene. Keyeyî karanê xo bi hawayo komunal kenî. Sebze û meywe yenî arêdayene, xele dîyeno pirjin ro û erşawîyeno aşî. Sebzeyî yenî wişkkerdene, meyweyî yenî wişkkerdene û rîçale yena viraştene. Reyna goz û vamî zî yenî rakerdene. Bi nameyê Sûltan Zamûra ke Pêrtag de cuyena, dîyar kerde ke ê toximê bêgubre reyde berardişan kenî û wina domnaye: “Bexçeyê mi de heme çî esto. Mi heta nika qet gubre bi kar nêard. Ez xele, cew, fasûla, niha û sewbîna ronenî. Ma hem roşenî û hem zî xo rê cîya kenî. Ez tena çay û şeker herînena. Ariş û rûnê mi zî keye ra vejîyeno.” Zamûre daye zanayene ke 3 mangayê aye estî û wina va: “Ez xele û cewê xo dana mangayan. Ez înan ra rûweno kelle, şit, do û sewbîna virazena. Ez nane xo firine ra nêane. Ez bi xo virazena. Seba ke heme çîy de hormon esto, herkes de nêweşîyî estî. Ez 65 serrî ya. Millet heme bajaran de cuyeno û seba ti manaya nêyî çin a. Bajaran de heme çî pere yo. Labelê dewan de wina nîyo. Ez bi kêfweşîyêka girde kare xo kena. ”