Verba hêrişê çeteyê DAIŞî bi rojanake şarê Kobanê hetkarî danî û seba na têkoşîne mojnayişê pêroyina dinyaye ra sazî û kesan zîyaretê Kobanê kenî. Ewropaye ra zî heyeta Meclîsê Demokrasî û Aştî ya Ewropaye (ABDEM) zîyaretî Kobanê kerd û ABDEM 57 sazîyê sivîl ra pê yena û heyete de zî 9 kesî est bi û na heyet şopnayişê xo Kobanê ser qise kerd.
Hemdemkîya Sazîya Rayverîya ABDEMî Şafak Arabaci dîyar kerd ke înan seba têkoşîna Kobanê ser heme Ewropaye ra veng day û wina vat: “Ma welatijê Ewropaye ra seba hîsgêrî veng day û ma zî seba wayîrvejîyayişê têkoşîna Kobanê ser amey Kobanê û ma waştê no wehşetî çeteyê DAIŞî nêz ra bivînî.”
Arabaci vat ke înan di Kobanê zaf humarîy de pêvînayiş viraştî û wina domna: “Ma çapemenî ra rewşa kobanêyijan hetanê nika vînay la ameyiş û vînayiş sewbî yew raman o. Nika domananê kobanêyijan di şaristanê kone de bê sol gêrenî û na rewş zî min zaf qehirna.”
Arabaci aşkera kerd ke hema zî binê awanîya nê şaristanê kone nêameya viraştiş, doman, cenî û mêrdeyê kobanêyijan zî nê konan de manenî, di zaf hûmarîy de lazimeya înan est o, seba nê lazimeyan zî xebat şert o. Arabaci ard ziwan ke nika kobanêyijan ravêreyeya şerê yê dramatîk û psîkolojî de cuyenî la belê verba nê pirsgirêkan zî omidê kobanêyijan bi coş domyeno.

Cuyayişê azad re têkoşîn
Arabaci bal ont ser di Pirsûse de xebatê bi zerrîyê û wina domna: “Yew dem ra pey dejekê ma cuyay, nê dejê zî ma ra profesyonelbîyîşê mojnay. Ma goristanê kobanêyijan zî zîyaret kerdî la ma zanenekê no şar hetanê seba kamî û kultura xo têkoşîn bidê û do nêrî zî têk berdiş.”
Federasyona Yewîtîya Elewî yê Ewropaye ra Alî Ekber Pektaş zî dîyar kerd ke ê dema ke şaristanê kone gêray cemidyay la no cemidî de domanan sere înan de çik çin o gêrenî û ganî pirsgirêkê nê domanan ra çare bêro vînayiş, ganî her kes destê xo wijdanî xo ra birono û seba şarê xo çik bikero, bifikro û wina domna: “Ma do kura şîre se do noca de çi destê ma ra yeno se ma a bikerî, çimkî na rewş nîno taloqkerdiş. Hetanê hêrişê çeteyê DAIŞî bidomyo do kobanêyijan nêeşkerî axê xo ra tepa biagêrî. Eke nê çeteyan ra zî hetkarî bêro dayiş do hêrişê nê çeteyan zî bidomyo.”
Hewna endama Însayîtîfa Aştî yê Cenîya Pêrabestîya ABDEMî ra Latîfe Fen zî dîyar kerd ke vînayişê tahrîbatî şer û seba şenberkerdişê hetkarîyan ê amey Kobanê.

Endama Heyeta Rayverîya Meclîsê Sirgûnî yê Ewropaye Esma Uzun zî ciresna ke di Ewropaye de hewteye de 4 roje seba Kobanê çalakî virazenî û ê wazenê di şarê Ewropaye de yew hîsgêrî bivirazî. Uzun vat ke a dêrsimij a û a dîya ke kobanêyijan hem bermenî hem zî omidê înan est o.

DÎHA/RIHA