Nizdîbîyayîşê referandûmê 16ê nisane de partîyê sîyasî lez dayî xebatanê xo û derheqê kampanyaya nêyî de xebetîyenî. Elewîyê cinîyî yê Îzmîrî zî kampanya rê bêveng nêmendî û tercîhê xo aşkere kerdî. Babete ser o elewîyê cinîyî yê Îzmîrî qisey kerdî.
Cinîyan ra Sakîne Sarisaltike dîyar kerde ke elewîyî komelî ra yenê teberkerdiş û va: “Kesê ke ma û bawerîya ma nêşinasnî, ma zî înan nêşinasnenî. Ma qanûnê ke ma tede çinêbî rê ma vanê nê. Ganî heme elewîyî bin kampanyaya nê de bibî yewe. “
Kulturêko zaf rengîn
Guler Îpîk Karagoze va ‘her cayê welat bîyo sey gola gonî’ û wina va: “Ewleyîya pawitişê ganê domanan nêmenda. Seba ke ma qetlîaman rê bêveng nêmanî ma do referandûm de vajî nê.” Zelal Morsumbule zî va, „Seba ke nê vengî nêrî birnayîş û welat nêbo yew reng, ma do referandûm de vajî nê.“
ÎZMÎR