Arslan ke mîyanê pirtuka ya de behsa 21 cenîyêy ke reddê xo yê wijdanî aşkere kerdîy, dergeyîya qalîkerdişê xo de ciresna ke hemverê zîhnîyeta ke şer sey çîyo ke firaz veyneno encax bi çalakîya bêîtaatîya sîvîl eşkeno bêro vindarnayîş û wina domna: “Ger ke yew şero bi mana bibîynê ma zî şînaynê singê xo wina bivetênê teber û bivatênê şer. Labelê werte de şeroke bêmana esto. Wexto ke ma hêrs benî nengê ke ma çînenî de ziwanê mîlîtarîst serwer o û êy ke zayendîtî awan keno zî no ziwanê mîlîtarîst o.”
Verê tifingan çalakî
Arslan redda xo ya wijdanî sey xelat Hrant Dînkî ra erşawit û wina vat: “Ez nêwazena ke lejker, gerîla, heywan û xoza bêro qetilkerdiş. Êy ke mîyanê şerî de yî û verê tifingan çareyê înan sero ra merdim nêşkeno bivindo ke wa reddê xo yê wijdanî aşkere bikerîy. Êy ke no aşkereyî bikerê, êy ke qeraxê şerî de cuyenîy î. Aşkerekerdişê reddê wijdanî suc nîyo, xora cenî semeda ke lejkerî nêkenî qet nînî dadgehkerdiş. Labelê lacekî wextê înan yê lejkerî bêro û nêşêrî aye wext semeda ke şar lejkerî ra kenî serd bi 318’î ra yenî dadgehkerdiş. AîHM semeda ke Tirkîya reddê wijdanî nas bikero verpersîyar tepîşeno. Tirkîya sey awankerdoxê AÎHMî lazim o goreyê madeya 90’in ke vano endamêy awankar ya AÎHMî dozêy ke dekewtîy rojdema mîyannetewî de AÎHMî nas bikero. Labelê Tirkîya zaf rayan no madeyî îxlal kerdo.”
‘Welat to lanet keno’
Arslan peynîya qalîkerdişê xo de wina vat: “Sey finaka Anî Balikçi wexto ke ti vaca ‘wa welat sax nêbo’ aye wext welat to lanet keno. Ger ke eyro cenî semeda lejkerî nînî vengdayîş se no semeda ke cenî firaz yenî dîyîş ney, wa semeda şerî rê ciwanan berî dinya.”