Hemserekê Komeleya Huqiqnasê Mezopotamyayê Dede da xuyakerdiş ke demeka derga lazime bi rayvistbîyîşeke raşteyê huqiq de estbî û wina vat: “No zî mîyanê huqiqnasan de ameynê nîqaşkerdişî. Gelek semedê no lazime esto. Verî heme çikî wa bêro vatiş ke no lazime verîya huqiqnasan, lazimeyê şaran bi xo yo.”
Dede dîyar kerd ke nê nîqaşê mîyanê pawitoxan û beşê cida yê komeleyê de amey nîqaşkerdişî, payîza 2013’ê de bi nîqaşê Konferansê Huqiqnasê Kurdistanê Vakurî ya 1’ine zelal bîyo û vîr ard ke huqiqnasan konferansê de biryar day rayvistbîyîşek bin banê komeleyê de pê bêro.
Xoserîya demokratîk
Hemsereka Komeleya Huqiqnasê Mezopotamyayê Bedîye Şedal zî aşkera kerd ke huqiqê komeleya dewletî, bi taybetî zî modela netewe dewletê, mîyanê komeleyê de verpersa xo nîyo û wina dewam kerd: “Komela çiqasî bi heme dînamîkê xo karî pêroyin rayverîyê biba, afîrenîyê xo yê peyme cuyayişê komeleyî bivejo meydanî, çiqas eşkena aştîya komeleyî û edelet pê bêro. Yew zî modelê hîna weş ê ke rayverîya cewherîya komeleyê eşkena pê bêro, xoserîya demokratîk a.”