Rocê ma yê eyroyî de zî Neteweyê Yewbîyayeyî enî rocî 21’ê îlone de zey Rocê Aştî ya Mîyannetewî pîroz kena. Wexta ma anênê Ewropa ra semedê qitaya xo risayê armanca xo, la teberê qitaya xo de qet aştîya netewe û welatanê bînan ser mijûl nêbîyê. Heta zehf rayan semedê menfîetê xo çimê xo qirkerdişanê ke şaranê teberê qitaya înan ser yenê kerdişî rê girotê û hema zî gêna. Eke Ewropa waştişê xo yê aştîya dinya/mîyanneteweyî de semîmî ya ma veyndenê ci wa bêro zey çimê hîrine aştîya ke hîrê serrî yo kurdî dewleta Tirkiye rê teqdîm kenê bibo mabênkar e. Zew bînî bêvengîya Ewropa û Neteweyê Yewbîyayeyan dirîtîya înan a aştîya dinya ser mocneno ra. Kerdişê ke mîyanê hîrê serrî de dewlete şarê kurdî ser de pêk ardê her yew tera sucêkey şerrî yê, la ewropaya ke bi serran nameyê terorîstî dayo tevgerê kurdan wa hemverê sucanê dewlete Tirkiye ke endamê înan ê Neteweyê Yewbîyayan a bê veng manena. Ewropaya ke vana ez merdimahî pawena û pêwistî dana heqê ciwînî û heqanê azadîya merdiman, wexta rocê ma yê eyroyî de dewlete Tirkiye cînîyêke kurde bi îşkence qetil kerde û bi viranî kuçan de teşhîr kerde, wexta dewê kurdan bi sîlehan û teyaranê Ewropa bombevaran kena, wexta tûtanê kurdan ê hewt serreyan şaristanan de kişena, wexta îradeyanê şarê kurdî bi zindanan ceza kena, heta bi xirakerdişê goristananê kurdan Hîtlerî,Mûsolonî û Sedemî dimayê xo verdena, xo kam merheleyî de vînena? Gelo Ewropa na bêvengîya xo ya hemverê qirkerdişê kurdan ser de kam merheleyê merdimahî de vînena? Û ancî gelo kerdişanê dewlete ke kurdan ser de pêk ana kam merheleyê azadîya ciwînî, merdimahî û demokrasîya xo de vînena ke endeyke rehet û bêveng a? Enî kerdişanê ke dewlete şarê kurdî ser pêk ana, eke tevgerê azadîya şarê kurdî şarê tirkî ser pêk biardêne gelo ka Ewropa bi heman awayî bêveng û bêdîtişî ra bêro? La Ewropa û heme dewletê bînî ke xo hikimdar vînenê û çimanê xo qirkerdişê kurdan rê gênê wa baş bizanê eke ey ma zey merdiman nêvînê û qirkerdiş û asîmîlasyonan ma rê heq bivînê, ma ko zî heta nêfînê xo dest dimayê girotişê heqanê xo yê gerdûnî yê merdimahî, heqê ciwînî û heqanê azadîya xo ya merdimahî de bê û semedê girotişê înan têkoşîna xo bidomnê. Heqê ti dewletêke, ti pêkamyayeyêke, ti awaniyêke çinîyo ke hemverê enî waştişê ma yê gerdûnî vecîyo.
Bi bawerîya ke ko aştî bêro welatê ma û ma biarsê mafanê xo yê gerdûnî Rocê Aştî ya Dinya ro şarê ma û heme şaranê dinya pîroz bo.
Nesrîn NAVDAR